02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
ԵԱՀԿ ՄԽ համանախագահների հայտարարության մեջ մտահոգիչ կետեր կան. ԲՀԿ. ՏԵՍԱՆՅՈՒԹ
Քաղաքականություն
11.03.2019 | 11:40
Լեռնային Ղարաբաղի հիմնախնդրի վերջնական կարգավորումն Արցախի միջազգային ճանաչումն է, այստեղ երկու կարծիք լինել չի կարող: Մարտի 11-ին խորհրդարանական ճեպազրույցների ժամանակ ասաց ԱԺ ԲՀԿ խմբակցության պատգամավոր Իվետա Տոնոյանը՝ պատասխանելով ԵԱՀԿ Մինսկի խմբի համանախագահների վերջին հայտարարության մասին հարցին:
Պատգամավորի խոսքով՝ եռանախագահների հայտարարության մեջ շատ մտահոգիչ կետեր կան. «Մասնավորապես՝ այն մասին, որ Վիեննայի և Սանկտ Պետերբուրգի պայմանավորվածությունները երկրորդ պլան են մղվում: Միայն այն հանգամանքը, որ Ադրբեջանի կողմից շատ մեծ ոգևորությամբ է ընդունվել այս հայտարարությունը, արդեն իսկ շատ բանի մասին է խոսում»:
Ըստ Իվետա Տոնոյանի՝ Ադրբեջանը հետևողականորեն հանդես է գալիս հայատյացության, ապակառուցողական և ուժի կիրառման դիրքերից է, ինչն անընդունելի է: «ԲՀԿ դիրքորոշումն այն է, որ որևէ հարց Արցախի ճակատագրի հետ կապված չի կարող որոշվել՝ առանց Արցախի և նրա ժողովրդի մասնակցության»,- հավելեց պատգամավորը:
ԲՀԿ խմբակցությունից Շաքե Իսայանը նույնպես մտահոգիր է համարում ինչպես Մինսկի խմբի համանախագահների հայտարարությունը, այնպես էլ դրան ադրբեջանական կողմի արձագանքը:
«Բոլորս էլ գիտենք, որ վերջին շրջանում Ադրբեջանի քաղաքական էլիտան, խոսելով Լեռնային Ղարաբաղի հիմնախնդրի կարգավորման մասին, շեշտադրում է ուժի գործոնը: Ընդամենը երեկ Ադրբեջանի ԱԳՆ-ի արձագանքում կրկին շեշտադրվում է Ադրբեջանի տարածքային ամբողջականության պահպանման հարցը, իսկ սրան հակառակ՝ ունենք ՀՀ պատկան մարմինների՝ ավելի կառուցողական դիրքորոշումը. օրինակ՝ վարչապետի հայտարարությունը, որ ցանկացած տարբերակ պետք է ընդունելի լինի Լեռնային Ղարաբաղի, Հայաստանի և Ադրբեջանի ժողովուրդների համար»,- ասաց պատգամավորը:
Մանրամասները՝ տեսանյութում:
Նարեկ Կիրակոսյան
