18.09.2026 | 11:41
Սարյան փողոցի խանութում վաճառվող մրգերից նմուշներ են վերցվել՝ «Դիխլոֆոսի» վերաբերյալ ահազանգից հետո․ ՍԱՏՄ
Կարծիք միշտ հայտնել եմ ու հայտնելու եմ. Արսեն Թորոսյանը՝ վարչապետի հետ բանավեճի մասին. ՏԵՍԱՆՅՈՒԹ
11.03.2019 | 11:34
Մենք աշխատատեղ չենք կրճատում, կքննարկենք տարբերակներ, որ որքան հնարավոր է՝ տնտեսվարող սուբյեկտ չվնասվի: Մարտի 11-ին Ազգային ժողովում այս մասին ասաց առողջապահության նախարար Արսեն Թորոսյանը՝ ի պատասխան Factor.am-ի դիտարկմանը, թե նարգիլե ակումբները փակելով՝ գործազուրկ է մնում 700 աշխատակից:
Հիշեցնենք, որ ԱԺ մարդու իրավունքների և հանրային հարցերի մշտական հանձնաժողովի նիստում նման պնդում արեց նարգիլեի բիզնեսով զբաղվով Գոռ Գասպարյանը:
«Նորից եմ կրկնում, որ այդ զիջումները չպետք է արվեն մարդկանց առողջության հաշվին: Քննարկումները ցույց կտան, թե ինչ արդյունքի կհանգենք, որևէ տնտեսական գործունեություն չենք արգելում»,- ասաց նախարարը:
Անդրադառնալով Կառավարության նախորդ նիստին վարչապետի հետ տեղի ունեցած բանավեճին և կարծիքներին, թե վարչապետը նախարարին կարծիք հայտնելու իրավունք չի տալիս, Արսեն Թորոսյանն ասաց. «Կարծիք միշտ հայտնել եմ ու հայտնելու եմ: Դուք տեսաք, թե մենք ինչ լավ քննարկում ունեցանք»:
Մանրամասները՝ տեսանյութում:
Նարեկ Կիրակոսյան
