11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Եթովպիայում կործանվել է Boeing-737 ինքնաթիռը. 149 ուղևորի և անձնակազմի 8 անդամի մասին տեղեկություններ չկան
10.03.2019 | 15:04
Եթովպիայում կործանվել է Ethiopian Airlines ավիաընկերության Boeing-737 ինքնաթիռը, հաղորդում է ria.ru-ն:
«ET-AVJ հերթական համարով Boeing 737-800 MAX ինքնաթիռը թռել էր տեղական ժամանակով 08:38-ին Ադիս Աբեբայի «Բոլե» միջազգային օդանավակայանից, իսկ 08:44-ին ինքնաթիռի հետ կապը կորել էր»,- գործակալությունը մեջբերում է Ethiopian Airlines-ի հայտարարությունը:
Ինչպես պարզաբանում է ավիաընկերությունը, ողբերգությունը տեղի է ունեցել Դեբրե Զեյթ քաղաքի մոտակայքում:
Ըստ նախնական տվյալների՝ ինքնաթիռում գտնվել են 149 ուղևոր և անձնակազմի 8 անդամ: Ողջ մնացածների կամ հնարավոր զոհերի մասին տեղեկություններ չկան: Դեպքի վայրում աշխատում են փրկարարները:
