16.06.2026 | 17:08
Ֆիդանն ու Լավրովը Հարավային Կովկասում իրավիճակն են քննարկել
ՌԴ-ն և Թուրքիան համատեղ պարեկություն կիրականացնեն սիրիական Իդլիբում
Քաղաքականություն
08.03.2019 | 17:13
Թուրքիայի պաշտպանության նախարար Հուլուսի Աքարը հայտնել է, որ Ռուսաստանն ու Թուրքիան համատեղ պարեկություն են իրականացնելու սիրիական Իդլիբի տարածքում: Այս մասին գրում է ՌԻԱ Նովոստին՝ վկայակոչելով Anadolu գործակալությունը:
Աքարը նշել է, որ Թուրքիան պարեկելու է ապառազմականացված գոտում, իսկ Ռուսաստանը՝ այդ գոտու արտաքին հատվածում: Նրա խոսքով՝ համատեղ պարեկությունը կարևոր է հրադադարի ռեժիմի պահպանման և Սիրիայի հյուսիս-արևմուտքում կայունության ապահովման համար:
Թուրքիայի պաշտպանական գերատեսչության ղեկավարն ընդգծել է, որ Անկարան շփումներ չունի Բաշար Ասադի ռեժիմի հետ. բանակցությունները տարվում են բացառապես Ռուսաստանի, անհրաժեշտության դեպքում՝ Իրանի հետ:
Իդլիբ նահանգում ապառազմականացված գոտու ստեղծման շուրջ համաձայնությունը Ռուսաստանն ու Թուրքիան ձեռք են բերել Սոչիում, անցյալ տարվա սեպտեմբերին:
