13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
«Ռեստարտ» խմբի անդամներ Դավիթ Պետրոսյանի և Դավիթ Սիմոնյանի նկատմամբ խափանման միջոց է ընտրվել
Հասարակություն
08.03.2019 | 15:48
Մարտի 4-ի գիշերը Ամիրյան փողոցում տեղի ունեցած միջադեպի գործով «Ռեստարտ»-ի անդամ Դավիթ Պետրոսյանն ու Դավիթ Սիմոնյանը հարցաքննվել են և նրանց նկատմամբ խափանման միջոց է ընտրվել ստորագրությունը չհեռանալու մասին։
Տեղեկությունը Factor.am-ին հայտնեց Գլխավոր դատախազության հանրային կապերի բաժնի պետ Արևիկ Խաչատրյանը:
«Նրանք երեկ հարցաքննվել են, խմբով բացահայտ առևանգում կատարելու կասկածանքով նրանց նկատմամբ խափանման միջոց է ընտրվել ստորագրություն չհեռանալու մասին»,-ասաց նա։
Նշենք, որ հարցաքննվել է նաև Նարեկ Մալյանը և ճանաչվել տուժող։
Հիշեցնենք, որ մարտի 4-ին դեպքի առթիվ քրեական գործ է հարուցվել ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներով (խուլիգանություն, որը կատարվել է մի խումբ անձանց կամ կազմակերպված խմբի կողմից)։
