27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Վիրավորված սակրավորի ոտնաթաթն ամպուտացվել է․ նա կտեղափոխվի Հայաստան
08.03.2019 | 15:03
Factor.am-ի տեղեկություններով՝ մարտի 7-ին Սիրիայում մարդասիրական առաքելություն իրականացնելիս աջ ոտնաթաթից ականային վնասվածք ստացած սակրավորը կտեղափոխվի Հայաստան։
Ականազերծման և փորձագիտական Կենտրոն» ՊՈԱԿ-ի հասարակայնության հետ կապերի գծով մասնագետ Նազելի Էլբակյանը Factor.am-ի հետ զրույցում ասաց, որ դեպքից հետո սակրավորը շատ արագ տեղափոխվել է հոսպիտալ, որտեղ և վիրահատվել է, վիրավորված ոտնաթաթն ամպուտացվել է։
Նազելի Էլբակյանի հաղորդմամբ՝ սակրավորի կյանքին վտանգ չի սպառնում, բժիշկները նրա վիճակը գնահատում են բավարար։ Սիրիայում գտնվող հայկական հումանիտար խումբը շարունակում է ականազերծման աշխատանքները։
Factor.am-ը Նազելի Էլբակյանից նաև հետաքրքրվեց, թե ով է վիրավորում ստացած սակրավորը։ Նա պատասխանեց, որ անձնական տվյալները հրապարակման ենթակա չեն։
Հիշեցնենք, որ պատահարի մասին երեկ հայտնել է «Հումանիտար ականազերծման և փորձագիտական կենտրոնը»։ Դեպքը տեղի է ունեցել երեկոյան։ Պատահարի պատճառ է հանդիսացել պլաստիկե իրանով ծուղակ ականը:
Ռոբերտ Անանյան
