02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Youtube-ն արգելափակեց «5-րդ ալիքի» կողմից տեղադրած «Գործ N° մարտի 1» ֆիլմը»․ Արա Շիրինյան
Քաղաքականություն
08.03.2019 | 13:36
Ռեժիսոր Արա Շիրինյանն իր ֆեյսբուքյան էջում տեղեկացրել է, որ Youtube-ն արգելափակել է «5-րդ ալիքի» կողմից տեղադրված «Գործ N° մարտի 1» ֆիլմը:
«Հեղինակային իրավունքի խախտման հիմքով (կադրերի գողություն) Youtube-ն արգելափակեց «5-րդ ալիքի» (Ararat TV) կողմից տեղադրված «Գործ N° մարտի 1» ֆիլմը»,- նշել է ռեժիսորը։
Հիշեցնենք, որ փաստաբան Վահե Գրիգորյանը ֆեյսբուքյան իր էջում 2008 թ․-ի մարտի 1-ի ոճրագործության զոհերի հարազատների հայտարարությունն էր տարածել, որում ասված էր, որ Մարտի 1-ի ոճրագործության զոհերի հարազատները վրդովված են «Գործ համար Մարտի 1» ֆիլմի նկարահանման և «Հ5» հեռուստաընկերությամբ ցուցադրելու կապակցությամբ:
«Այդ ֆիլմը կեղծիքի, փաստերի աղավաղման, նենգափոխման և դեմագոգիայի վրա կառուցված արտադրանք է, որի ակնհայտ նպատակն է Ռոբերտ Քոչարյանին մաքրել մարտիմեկյան ոճրագործության պատասխանատվությունից և մեղսակցությունից: Մեր մշտական դիրքորոշումը եղել է այն, որ պետք է պատասխանատվություն կրեն սպանություններ կատարողները, բայց դրանից առաջ՝ նրանց հրաման տվողները և այդ օրը զենքի գործադրումը հրամայողներն ու թույլատրողները»,- նշել էին նրանք։
