15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Նախագահ Սարգսյանը ՎԶԵԲ նախագահի հետ հանդիպմանը առաջարկել է հատկապես ուշադրություն հատկացնել Գյումրիում ծրագրերի իրականացմանը. ՏԵՍԱՆՅՈՒԹ
Քաղաքականություն
07.03.2019 | 21:35
Հանրապետության նախագահ Արմեն Սարգսյանն այսօր հանդիպել է Վերակառուցման և զարգացման եվրոպական բանկի նախագահ Սումա Չակրաբարտիի գլխավորած պատվիրակությանը:
Նախագահ Սարգսյանը և Վերակառուցման և զարգացման եվրոպական բանկի նախագահն անդրադարձել են համագործակցության օրակարգին:
Նշելով, որ Վերակառուցման և զարգացման եվրոպական բանկը Հայաստանի տնտեսության մեջ ունի բավականին մեծ ներգրավվածություն՝ նախագահ Սարգսյանը կարևորել է բանկի ներդրումը հանրային և մասնավոր սեկտորների համագործակցության, փոքր ու միջին բիզնեսի զարգացման գործում:
Սումա Չակրաբարտին իր հերթին ընդգծել է, որ Վերակառուցման և զարգացման եվրոպական բանկը պատրաստ է տարբեր ծրագրերի միջոցով շարունակել իր օժանդակությունը Հայաստանի տնտեսությանը, և արդեն իսկ ընթացքի մեջ է համագործակցության նոր ռազմավարությունը:
Հանրապետության նախագահն առաջարկել է հատկապես ուշադրություն հատկացնել Գյումրիում ծրագրերի իրականացմանը:
