28.06.2026 | 19:46
Բեռլինում սահմանվել է ջերմության բացարձակ ռեկորդ՝ 149 տարվա դիտարկումների ընթացքում․ Լևոն Ազիզյան
Կիպրոսը Թուրքիայի դեմ բողոք է հղել ՄԱԿ-ին
Քաղաքականություն
07.03.2019 | 21:02
Եվրամիության անդամ Կիպրոսի Հանրապետությունը Թուրքիայի դեմ բողոք է ներկայացրել ՄԱԿ՝ Կիպրոս կղզու մերձակայքում հորատման աշխատանքներ կատարելու կապակցությամբ։ Թուրքիան ածխաջրածնային հետազոտություններ է իրականացնում Կիպրոսին հարակից բացառիկ տնտեսական գոտում, որը որպես այդպիսին Թուրքիայի կողմից չի ճանաչվում. գրում է ermenihaber-ը:
ԵՄ-ում Կիպրոսի մշտական դեսպան Կոռնիլիուս Կոռնիլիոն նամակ է հղել ՄԱԿ-ի գլխավոր քարտուղար Անտոնիո Գուտերեշին։ Նամակում նշվել է, որ Թուրքիան հորատման աշխատանքներ է կատարում համար 1, 8, 9 և 12 տարածքներում, մինչդեռ Կիպրոսը նշված հատվածներում աշխատանքի թույլտվություն է տվել ոչ թե Թուրքիային, այլ ֆրանսիական «Total» և իտալական «Eni» ընկերություններին։
Արձանագրվել է նաև, որ 8-րդ և 9-րդ հատվածներում նավթի և բնական գազի արդյունահանման իրավունքը նույնպես տրվել է նշված ընկերություններին։ Հույն դեսպանն ընդգծել է, որ Թուրքիան խախտել է միջագային իրավունքի նորմերն ու Կիպրոսի ինքնիշխանության իրավունքը, ինչպես նաև՝ «Ծովային իրավունքի մասին» ՄԱԿ-ի կոնվենցիան։
