26.11.2024 | 13:36
Դատախազությունն ընթացք է տվել Գոռ Վարդանյանի սերիալի առնչությամբ ԿԳՄՍՆ-ի դիմումին
Ընթացիկ տարում հողօգտագործողներին անհատույց կտրամադրվեն նռան տնկիներ
Տնտեսություն
07.03.2019 | 17:05
Արցախում «Բուսաբուծության համալիր զարգացման ծրագրի» շրջանակներում այգեգործության զարգացման նպատակով ընթացիկ տարում նախատեսվում է հայտ ներկայացրած հողօգտագործողներին անհատույց տրամադրել նռան տնկիներ:
Այս մասին «Արցախպրես»-ին տեղեկացրին ԱՀ գյուղատնտեսության նախարարությունից՝ մանրամասնելով, որ այգի հիմնադրելու համար նախատեսված տարածքները պետք է ապահովված լինեն ոռոգման ջրով և նախապատրաստված ծառատունկին (հերկված, տեղաձևած, տնկիների համար անհրաժեշտ փոսերը փորված):
Աղբյուրի հաղորդմամբ՝ տարածքի մակերեսը պետք է լինի նվազագույնը 1 հեկտար: Նախատեսված տարածքների մակերեսների ճշտման և գործնընթացի վերահսկման նպատակով կստեղծվի հանձնաժողով՝ նախարարության աշխատակազմի բուսաբուծության և բույսերի պաշտպանության վարչության, շրջվարչակազմի աշխատակազմի գյուղատնտեսության բաժնի աշխատակիցների և տարածքային գյուղատնտեսների մասնակցությամբ: Հանձնաժողովը տեղում կճշտի այգի հիմնադրելու համար նախատեսված տարածքների մակերեսների վրա իրականացված նախապատրաստական աշխատանքների ընթացքը և ստուգայցի արդյունքներով (դրական կամ բացասական) կկազմի արձանագրություն:
