02.07.2026 | 18:18
Եգիպտոսի նախագահը շնորհավորել է վարչապետ Փաշինյանին ընտրություններում հաղթանակի առիթով
Վարչապետի բրյուսելյան այցի ընդհանուր տպավորությունն առավել քան բավարարող է. Արման Եղոյան. ՏԵՍԱՆՅՈՒԹ
Քաղաքականություն
07.03.2019 | 13:42
Վարչապետ Նիկոլ Փաշինյանի բրյուսելյան այցի ընդհանուր տպավորությունն առավել քան բավարարող է: «Հայաստան-Եվրամիություն համաձայնագրի կիրարկման հեռանկարները» թեմայով քննարկման ժամանակ նման կարծիք հայտնեց ԱԺ «Իմ քայլը» խմբակցության պատգամավոր, Եվրաինտեգրման հարցերի մշտական հանձնաժողովի նախագահ Արման Եղոյանը:
Նա հիշեցրեց, որ Բրյուսելում վարչապետը հանդիպեց Եվրամիության ինստիտուտների երեք առանցքային ներկայացուցիչների՝ Դոնալդ Տուսկի, Ժան-Կլոդ Յունկերի և Ֆեդերիկա Մոգերինիի հետ, ինչպես նաև «ելույթ ունեցավ Եվրախորհրդարանում՝ բավական հստակ շեշտադրումներով, ԵԽ պատգամավորներին ուղղված հստակ մեսիջներով»:
«Դատելով այս ամբողջ տեղեկատվությունից՝ կարող եմ ասել, որ այցը հաջողված էր: Հստակ շեշտադրվեց երկու կողմից էլ Հայաստան-Եվրամիություն համաձայնագրի կիրարկման ընթացքի կարևորությունը, փոխգործակցության, փոխօգնության պատրաստակամությունը շեշտվեց, առանձնահատուկ շեշտադրվեց նաև վիզաների ազատականացման երկխոսության կարևորությունը»,- հավելեց պատգամավորը:
Արման Եղոյանի համոզմամբ՝ եթե առկա բոլոր ուղղություններով շարժվենք առաջ՝ արդեն իսկ հաշվի առնելով ձեռք բերված պայմանավորվածությունները, շատ սեղմ ժամկետներում շատ շոշափելի արդյունքներ կունենանք:
Մանրամասները՝ տեսանյութում:
