21.06.2026 | 16:29
Հայաստանի բասկետբոլի կանանց ընտրանին սկսում է պայքարը փոքր երկրների Եվրոպայի առաջնությունում
«S-400-ների գործարքն ավարտեցինք, զբաղվելու ենք արդեն S-500-ի հարցով». Էրդողան
Քաղաքականություն
07.03.2019 | 11:53
Թուրքիայի նախագահ Ռեջեփ Թայիփ Էրդողանը թուրքական «TV 360» և «24 TV» հեռուստաընկերությունների լրագրողների հետ զրույցում խոսել է ռուսական S-400 զենիթահրթիռային ՀՕՊ համակարգերի շուրջ ստեղծված իրավիճակի և մի շարք այլ հարցերի մասին.փոխանցում է ermenihaber-ը:
Հայտնի է, որ Թուրքիայի ու Ռուսաստանի միջև արդեն իսկ ստորագրվել է նշյալ համակարգերի գնման և մատակարարման պայմանագիրը։ Ռուսական կողմը ծրագրում է Թուրքիային այդ համակարգերը փոխանցել մինչև ամառվա վերջ։
«S-400-ների գործարքն ավարտեցինք և hետդարձի ճամփա լինել չի կարեղ երբեք։ Ռուսաստանի հետ համաձայնության հասանք, կսկսենք միասին այդ համակարգերի համատեղ արտադրությամբ զբաղվել։ S-400-ներից հետո զբաղվելու ենք S-500-ների հարցով»։
Անդրադառնալով Սիրիայի հարցին՝ Էրդողանը պնդել է, որ ստեղծվելիք անվտանգության գոտին պետք է անցնի Թուրքիայի վերահսկողության տակ, քանի որ «ահաբեկիչները» (Թուրքիան Սիրիայի հյուսիսում տեղակայված քուրդ զինյալներին համարում է ահաբեկիչներ) մոտ են գտնվում Թուրքիայի սահմաններին։
Էրդողանի խոսքերով՝ Անկարան ուշադիր հետևում է Սիրիայից ամերիկյան զինված ստորաբաժանումների դուրսբերման հարցին, բայց առայժմ այդ ուղղությամբ քայլեր չեն ձեռնարկվել։
Թուրքիայի նախագահն ԱՄՆ-ին կոչ է արել քայլեր ձեռնարկել, որպեսզի ամերիկյան արտադրության զինատեսակները հանկարծ Սիրիայի քուրդ զինյալների ձեռքում չհայտնվեն:
