18.01.2026 | 13:25
Վարդենյաց լեռնանցքը փակ է կցորդով բեռնատարների համար
Իրինա Ռոդնինայի անվան Երևանի գեղասահքի դպրոցի համար «Լույս» խմբակցությունն անուն է փնտրում
06.03.2019 | 21:00
Ազգային ժողովի ոչ մի խմբակցություն չի պատրաստվում հայտարարությամբ հանդես գալ, որով առաջարկելու է Երևանի ավագանուն փոխել Երևանի գեղասահքի դպրոցի անունը:
2015 թվականից Երևանի գեղասահքի դպրոցն անվանակոչվել էր ռուս հայտնի գեղասահորդուհի Իրինա Ռոդնինայի անունով:
Հիշեցնենք, որ այսօր մամուլը տեղեկություն էր հրապարակել այն մասին, որ որոշ պատգամավորներ պատրաստվում են հայտարարություն տարածել անվանափոխության հետ կապված:
Որպես պատճառ նշվում է այն, որ Իրինա Ռոդնինան Բաքվում հակահայկական հայտարարություններ է արել:
ԱԺ «Իմ Քայլը», «Լուսավոր Հայաստան» խմբակցությունների պատգամավորները նշեցին, որ անվանափոխության հարցը Երեւանի ավագանու որոշելիքն է, իսկ ԲՀԿ-ից փոխանցեցին, որ հարցը կուսակցությունում չի քննարկվել:
Երեւանի ավագանու «Լույս» խմբակցությունն արդեն իսկ պատրաստել է անվանափոխության նախագիծը։
Factor.am-ը խմբակցության ղեկավար Դավիթ Խաժակյանից հետաքրքրվեց, թե ինչ փուլում է գտնվում անվանափոխության հարցի քննարկումը:
Նա պատասխանեց, որ նախագիծը պատրաստ է, բայց շրջանառության մեջ չեն դնում, քանի որ նոր անուն չեն կարողանում որոշել: Խաժակյանը չբացառեց, որ նախագիծը կշրջանառեն առանց նոր անվան: Այսինքն՝ կառարաջկեն դպրոցը պարզապես կոչել Երևանի գեղասահքի դպրոց:
Նարեկ Կիրակոսյան
