21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Մենք անելու ենք ամեն ինչ, որ մեր գեղեցիկ սեռը չտուժի․ Դավիթ Տոնոյան. ՏԵՍԱՆՅՈՒԹ
Քաղաքականություն
06.03.2019 | 18:21
Աշխարհում տենդենցները հակառակն են. կանանց հավասարեցնում են տղամարդկանց և իրենց առջև դրվում են նույն խնդիրները: Մարտի 6-ին ՀՀ Ազգային ժողովում Կառավարության հետ հարցուպատասխանի ժամանակ ասաց պաշտպանության նախարար Դավիթ Տոնոյանը՝ պատասխանելով կին զինծառայողների համար ստեղծված հնարավորությունների մասին խորհրդարանի փոխխոսնակ Լենա Նազարյանի հարցին:
«Ինչ վերաբերում է կանանց ներգրավվածությանը և կանանց աշխատանքին, աշխատավայրում նրանց իրավունքներին և թեթևացված ռեժիմով նրանց ծառայության կազմակերպմանը, մեր կողմից ամեն ինչ արվում է, բայց աշխարհում տենդենցները հակառակն են. կանանց հավասարեցնում են տղամարդկանց և իրենց առջև դրվում են նույն խնդիրները»,- ասաց նախարարը:
Դավիթ Տոնոյանը հիշեցրեց, որ վերջերս Կառավարությունն ընդունել է ՄԱԿ-ի 1325 բանաձևի իրականացման ծրագիր. «Այն նախապատրաստվել է ՊՆ-ի հետ սերտ համագործակցության շրջանակում, և մենք ամեն ինչ անելու ենք՝ նախ կանանց ներգրավվածությունն ապահովելու համար, և պատշաճ կերպով նաև ուշադիր կլինենք, որպեսզի մեր գեղեցիկ սեռը չտուժի»:
Մանրամասները՝ տեսանյութում:
Աղավնի Սուքիասյան
