02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Ո՞վ է որոշել, որ Ալեքսանդր Սարգսյանը պետք է պետությանը 30 մլն դոլար նվիրաբերի ու իր հանգիստն այս օրերին վայելի Իսպանիայում․ Արման Բաբաջանյան․ ՏԵՍԱՆՅՈՒԹ
Քաղաքականություն
06.03.2019 | 18:51
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում վարչապետ Նիկոլ Փաշինյանից հետաքրքրվեց՝ ինչո՞վ է պայմանավորված, որ ՊԵԿ նախկին նախագահ Արմեն Ավետիսյանը պետությանը հյուրանոց նվիրելուց հետո ազատվում է պատասխանատվությունից, կամ ով է որոշում, որ Սերժ Սարգսյանի եղբայր Ալեքսանդր Սարգսյանը պետք է պետությանը 30 մլն դոլար նվիրաբերի ու իր հանգիստն այս օրերին վայելի Իսպանիայում։
Պատգամավորի հարցին ի պատասխան վարչապետ Նիկոլ Փաշինյանը նշեց․ «Անկեղծ ասած, ինձ հայտնի չէ դեպք, երբ ինչ-որ մեկը վճարում է արել և ազատվել պատասխանատվությունից։ Եթե ասեք, թե մեր Կառավարությունը քանի հոգու էր պլանավորել դատել և քանի հոգու է դատել կամ պլանը թերակատարել, գուցե ես կարողանամ պատասխանել հարցին։ Ես ասել եմ, որ այն ծավալներն ու տեմպը, որը կա, ինձ չի գոհացնում, որովհետև կարող է տպավորություն ստեղծվել, որ հեղափոխությունից հետո բոլորս անցել ենք մեր գործերին։ Կան հարցեր, որոնք ես ամենօրյա ռեժիմով տալիս եմ, բայց նաև ինքս ինձ որոշ դեպքերում սահմանափակում եմ, որովհետև հասկանում եմ, որ ես դատավար ու քննիչ չեմ»:
Փաշինյանը կրկնեց, որ ժողովրդից թալանվածը կոպեկ առ կոպեկ վերադարձնելու են։
Մանրամասները՝ տեսանյութում։
Աղավնի Սուքիասյան
