02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Կառավարության դիմաց ոստիկանության անգործությունից բողոքող քաղաքացու գործին ընթացք է տրվել
Հասարակություն
06.03.2019 | 17:25
Factor.am-ը դեռևս անցած շաբաթ տեսանյութ էր հրապարակել այն մասին, թե ինչպես է Արարատի մարզի բնակիչ Կամո Տեր-Մկրտչյանը փորձում մուտք գործել Կառավարության շենք՝ զայրացած բղավելով, որ Վեդիի ոստիկանները չեն ուզում իր պահեստում կատարված գողության դեպքը բացահայտել:
Մինչդեռ, քաղաքացու պնդմամբ, ինքն իր ուժերով նախաքննություն է իրականացրել և փաստեր ձեռք բերել: Մեր տեղեկություններով՝ ոստիկանության անգործությունից բողոքող քաղաքացու գործին ընթացք է տրվել:
Ոստիկանության Արարատի բաժնում դեպքի առիթով հարուցվել է քրեական գործ՝ ՔՕ-ի 177-րդ հոդվածի 2-րդ մասի 2-րդ և 3-րդ կետերով. գողությունը, որը կատարվել է խոշոր չափերով, պահեստարան կամ շինություն ապօրինի մուտք գործելով:
ՀՀ գլխավոր դատախազությունից մեզ հայտնեցին, որ քաղաքացու կողմից բողոք հնչեցվելուց անմիջապես հետո կազմակերպվել է նրա ընդունելությունը Արարատի մարզի դատախազությունում: Գործը գտնվում է իրենց ուշադրության կենտրոնում:
Լիլիթ Շաբոյան
