03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Քննարկվում է մարզիչներին սոցփաթեթ տրամադրելու հարցը․ Գաբրիել Ղազարյան․ ՏԵՍԱՆՅՈՒԹ
Քաղաքականություն
06.03.2019 | 17:52
Ազգային ժողովի «Իմ քայլը» խմբակցության պատգամավոր Արսեն Ջուլֆալակյանն այսօր խորհրդարանում բարձրացրեց մարզիչների՝ սոցփաթեթից չօգտվելու հարցը՝ նշելով, որ նման սոցփաթեթներով մարզիչներին ապահովելով, պետությունը կարող է որոշակի աջակցություն ցույց տալ նրանց։
Սպորտի և երիտասարդության հարցերի նախարարի առաջին տեղակալ Գաբրիել Ղազարյանը հարցի վերաբերյալ նկատեց․«Իրականում հարցը լուրջ է։ Այո՛, եթե մանկավարժներն ունեն հնարավորություն այդ փաթեթից օգտվելու, ապա սպորտի մարզիչները ևս պետք է կարողանան օգտվել»:
Նախարարի առաջին տեղակալը նշեց, որ այդ հարցը քննարկման փուլում է, ապա հավելեց, որ առաջին փուլով քննարկվում է Ազգային հավաքականի մարզիչներին սոցփաթեթով ապահովելու հարցը, որից հետո երկրորդ փուլով կքննարկվի բոլոր մարզիչներին նման փաթեթներ տրամադրելու հարցը։
Մանրամասները՝ տեսանյութում։
Աղավնի Սուքիասյան
