07.02.2026 | 19:00
Նորագյուղում Դուբայի պես երկնաքերեր են կառուցում,բայց բուսաբանական այգին չեն բարեկարգում. Մնացականյան. ՏԵՍԱՆՅՈՒԹ
ՄՄ անդամ պետություններում մաքսային հայտարարագրման և ապրանքների բացթողնման վերաբերյալ ստորագրվել են 20-ից ավելի որոշումներ
Տնտեսություն
06.03.2019 | 14:39
ՀՀ ՊԵԿ տեղեկատվության և հասարակայնության հետ կապերի բաժնից տեղեկացնում են, որ Ռուսաստանում տեղի է ունեցել Մաքսային միության անդամ պետությունների մաքսային ծառայությունների միավորված կոլեգիայի 30-րդ նիստը, որին մասնակցել է Պետական եկամուտների կոմիտեի միջազգային համագործակցության վարչության պետ Սուրեն Մելիք-Իսրայելյանը:
Հանդիպման ընթացքում ստորագրվել են 20-ից ավելի որոշումներ՝ 2015-2020թթ. ՄՄ անդամ պետություններում մաքսային հայտարարագրման և ապրանքների բացթողնման փուլից՝ հետբացթողումային փուլ մաքսային հսկողության անցման սկզբունքի և ապրանքների առանձին տեսակների տեղափոխման համար սահմանափակումների վերաբերյալ:
Որոշումները վերաբերել են նաև ԵՏՄ անդամ պետության տարածքում սկսվող և այլ անդամ պետության տարածքում ավարտվող բեռների, ուղևորների և/կամ ուղեբնեռի ներքին փոխադրման նպատակով միջազգային փոխադրման տրանսպորտային միջոցներ հանդիսացող ժամանակավոր ներմուծված ավտոմոբիլային տրանսպորտային միջոցների, կցորդների, կիսակցորդների և/կամ դրանց վրա տեղափոխվող կոնտեյներներին:
Անդրադարձ է եղել ՀՀ տարածքում ազատ շրջանառության համար բացթողնված անձնական օգտագործման տրանսպորտային միջոցների մաքսային հայտարարագրման միասնական մոտեցումներին, ԵՏՄ անդամ պետությունների օրենսդրությունների խախտման դեպքերը նվազագույնի հասցնելուն ուղղված լրացուցիչ միջոցների կիրառմանը, առանձին ապրանքատեսակների՝ ըստ ԵՏՄ ԱՏԳ ԱԱ դասակարգմանը և այլ հարցերի:
