25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Մարտի 8-ը որ նշում ենք, չի նշանակում, որ միայն այդ օրերին են կանայք գեղեցիկ. պատգամավորը՝ քաղաքացու օրը նշելու մասին
Քաղաքականություն
05.03.2019 | 18:56
Այսօր քաղաքական օրակարգի հարցերից մեկն էլ ապրիլի 23-ը Քաղաքացու օր հռչակելն է:
ԱԺ «Իմ քայլը» խմբակցության ղեկավար Լիլիթ Մակունցը Factor.am-ի հետ զրույցում ասել էր, որ խմբակցության եւ ՔՊ վարչության օրակարգում նման հարց չկա: Վարչապետի խոսնակ Վլադիմիր Կարապետյանն էլ լրատվամիջոցներից մեկին փոխանցել էր, որ հարցը կառավարությունում քննարկվել է, բայց վերջնական որոշում չկա: Թեմայի շուրջ Factor.am-ը զրուցեց ԱԺ «Իմ քայլը» խմբակցության պատգամավոր Կարեն Համբարձումյանի հետ:
-Պարոն Համբարձումյան, Դուք կո՞ղմ եք, որ ապրիլի 23-ը նշվի որպես Քաղաքացու օր:
-Իրականում վատ բան չի Քաղաքացու օրը, որովհետեւ բոլորս էլ քաղաքացի ենք եւ մեզ լավ ենք զգում, որ մեկ օր պետական մակարդակով գնահատված ենք լինում:
-Հարցը խմբակցությունում քննարկվե՞լ է:
-Քննարկում չենք ունեցել խմբակցությունում: Քննարկում լինի՝ բոլորս էլ մեր կարծիքները հայտնում ենք եւ հանգում ենք վերջնական եզրահանգման: Կարեւորը, որ այն բխի ՀՀ քաղաքացու շահերից, կարեւոր չէ, որ դա լինի քաղաքացու օրը կամ այլ օր:
-Տեսակետ կա, որ կոնկրետ մեկ օրը առանձնացնելով որպես քաղաքացու օր, ստացվում է, որ մյուս օրերին քաղաքացին գնահատված չի:
-Չէ, իհարկե, բոլոր օրերը քաղաքացունն են, բայց բոլոր օրերը տոնի չենք վերածում: Օրինակ, մարտի 8-ը, դա չի նշանակում, որ միայն այդ օրերին են կանայք գեղեցիկ: Խնդիրը նրանում է, որ այդ օրն արժեքավորելը մարդկանց էլ ավելի…
-Ինչպե՞ս պետք է դա տոնել:
-Դե թող մի հատ լինի, այդ ժամանակ կտեսնենք, թե ինչպես ենք տոնում:
Նարեկ Կիրակոսյան
