18.05.2024 | 22:23
Աշխաբադում բացվել է Սայաթ-Նովայի արձանը
Հաղարծնի վանքի պատին ցուցադրվում են աշխարհի այն ֆիլմերը, որոնք քարոզում են հոգևոր արժեքներ՝ մարդասիրություն, հավատ, հույս, սեր
Մշակույթ
16.08.2017 | 19:15
Աստղաթափ գիշեր, անտառապատ սարեր, ոսկեփայլ լուսին. Հաղարծնի վանքի պատին հաջորդաբար ցուցադրվում են աշխարհի այն ֆիլմերը, որոնք քարոզում են հոգևոր արժեքներ՝ մարդասիրություն, հավատ, հույս, սեր, խաղաղություն և հայրենասիրություն:
Հենց այսիպիսի խորհրդավոր միջավայրում գգոստոսի 11-ին և 12 –ին Հաղարծնի վանքի պատին «Ֆրեսկո» արդի արվեստի և հոգևոր ֆիլմերի միջազգաին փառատոնը իրականացրեց բացօթյա ֆիլմի դիտումներ:
Արդեն երկրորդ տարին է՝ «Ֆրեսկոն» հյուրընկալվում է Հայ Առաքելական Եկեղեցու Տավուշի թեմի «Հաղարծնի շաբաթ» հոգևոր-մշակութային փառատոնի կողմից: «Ֆրեսկո փառատոնին ընդառաջ» ծրագրի շրջանակներում ցուցադրվեցին նախորդ տարիների մրցանակակիր ֆիլմերը:
Այս միջազգային իրադարձության նպատակն է հոգևոր և մշակութային երկխոսության միջոցով նպաստել սիրո, համերաշխության ու մարդասիրական բարձր արժեքների վերահաստատմանն ու ամրապնդմանը:
Տավուշի թեմի առաջնորդ Տ. Բագրատ եպիսկոպոս Գալստանյանը «Ֆրեսկո»-ին բարի ընթացք մաղթելով՝ նշեց, որ հատկապես այսօր կարևոր է ժամանակակից արվեստի միջոցով հոգևոր և բարոյական արժեքների քարոզումը:
Փառատոնի կազմակերպիչներն էլ իրենց խոսքում նշեցին, որ փառատոնը, միանշանակ, պետք է անցկացվի մեր երկրի բոլոր այն վայրերում, որտեղ կան եկեղեցիներ և վանքեր, հնագույն որմնանկարներ, խաչքարեր, հայի հզոր հավատքի վկայություններ:
Հիշեցնենք, որ«Ֆրեսկո» արդի արվեստի և հոգևոր ֆիլմերի փառատոնն այս տարի կմեկնարկի օգոստոսի 25- ին՝ Կարապի լճի տարածքում և կշարունակվի մինչև սեպտեմբերի 3-ը:
Փառատոնի շրջանակներում տեղի կունենան ֆիլմերի դիտում-քննարկումներ, համերգային ծրագրեր, ֆոտոցուցահանդեսներ, վարպետության դասեր և վրանային ճամբար:
