15.01.2025 | 20:13
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
«Պղտոր ջրում ձուկ որսալու» մարտավարություն ունեցող գործիչների մի մասն ազատության մեջ է, մի մասը՝ բանտում․ Արման Բաբաջանյան
Քաղաքականություն
05.03.2019 | 17:30
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում հայտարարությունների ժամին անդրադարձավ ՀՀ-ի վարած քաղաքականությանն ու դրա օրակարգի կարևոր հարցերին, որոնք, ըստ պատգամավորի, ժամանակ առ ժամանակ երկրորդական պլան են մղվում՝ կեղծ տեղեկատվական առիթներով, որոնցից էլ վերջերս Հայաստանի և Արցախի ժողովուրդների միջև տարանջատման փորձն էր։
«Ցավով պետք է արձանագրել, որ նման սադրիչ հայտարարությունները ունակ են մեր ուշադրությունը ոչ միայն կենտրոնացնել այդ կեղծ օրակարգերի վրա, այլ կարող են օգտագործվել այն գործիչների կողմից, որոնք քաղաքականության մեջ առաջնորդվում են պղտոր ջրում ձուկ որսալու մարտավարությամբ։ Այդ գործիչների մի մասը ազատության մեջ է, մի մասը՝ հուրախություն մեզ, բանտում»,- ասաց պատգամավորը՝ նշելով, նման սադրանքներին տուրք տալով նպաստում են ռևանշիզմով առաջնորդվող ուժերի ծրագրերի իրականացմանը։
Ըստ պատգամավորի՝ նախորդ օրերի և շաբաթների ընթացքում տեղի են ունեցել այլ իրադարձություններ ևս, որոնք մտահոգվելու տեղիք են տալիս։
«Սումգայիթյան ոճիրի օրն ադրբեջանական դատարանը 20 տարվա ազատազրկման դատապարտեց մեր քաղաքացուն՝ Կարեն Ղազարյանին։ Մենք չկարողացանք պաշտպանել մեր քաղաքացուն, ում ճակատագիրն այլևս կախված է նրանից, թե ինչ կկարողանան անել միջազգային իրավապաշտպան կազմակերպությունները։ Մենք չկարողացանք պաշտպանել նաև ՌԴ-ում ազատազրկված Ադրբեջանի թալիշական ազգային շարժման ղեկավար Աբասովին, որը քաղաքական ապաստան էր խնդրում մեզանից»,- ասաց Արման Բաբաջանյանը՝ նշելով, որ եթե Աբասովի պարագայում մենք բաց ենք թողել զգալի քաղաքական դիվիդենտներ շահելու հնարավորությունը, ապա Կարեն Ղազարյանի պարագայում թերացել ենք մեր քաղաքացու կյանքի անվտանգության պաշտպանության հարցում։
Աղավնի Սուքիասյան
