03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Պիտի շարունակենք այնտեղից, որտեղ Վազգենը վերջացրեց. Սասուն Միքայելյան. ՏԵՍԱՆՅՈՒԹ
Տեսանյութեր
05.03.2019 | 12:28
Վազգեն Սարգսյանը 40 տարեկանում էլ կարողացավ մեծ բան անել թե՛ բանակաշինության, թե՛ մեր պետական կառավարման համար: Մարտի 5-ին լրագրողների հետ զրույցում այս մասին ասաց Սպարապետի 60-ամյակի առիթով Եռաբլուր պանթեոն այցելած ԱԺ «Իմ քայլը» խմբակցության պատգամավոր Սասուն Միքայելյանը:
«Տարբեր հարցերում ինքը մեծ դերակատարություն ունեցավ և, ամենակարևորը, կարողացավ համախմբել ջոկատները Երկրապահի տակ, որի հիմքի վրա ձևավորվեց հայոց բանակը: Ինքը Փոքր Մհերն էր, որն Ագռավաքարից դուրս եկավ, բայց մենք չկարողացանք պահել Սպարապետին»,- ասաց Միքայելյանը:
Հարցին՝ արդյո՞ք Վազգեն Սարգսյանի երազած Հայաստանն ունենալու ճանապարհին ենք, Սասուն Միքայելյանը պատասխանեց. «Մենք ունենք այն Հայաստանը, որի հիմքը դրվել է նրա օրոք և, որ Սպարապետն ասում էր՝ 21-րդ դարը մերն է լինելու, պիտի կարողանանք հասնել նրան, որ 21-րդ դարն իրոք մերը լինի: Ոչ ոք չպետք է կասկածի, որ մենք կունենանք այդ պետությունը»:
Մանրամասները՝ տեսանյութում
