18.01.2026 | 13:25
Վարդենյաց լեռնանցքը փակ է կցորդով բեռնատարների համար
ԼՀԿ-ն առաջարկում է ՔՕ-ում փոփոխություն կատարելու իր նախագիծն ընդգրկել ԱԺ նիստերի օրակարգում
Քաղաքականություն
05.03.2019 | 11:24
Մարտի 5-ին մեկնարկել է 7-րդ գումարման Ազգային ժողովի հերթական քառօրյան, որի օրակարգում ընդգրկված է երկու հարց. «Հայաստանի Հանրապետության Ազգային ժողովի 2018 թվականի դեկտեմբերի 9-ի արտահերթ ընտրությունների մասին» կենտրոնական ընտրական հանձնաժողովի գործունեության վերաբերյալ հաղորդում, «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» Հայաստանի Հանրապետության օրենքում փոփոխություններ կատարելու մասին և «Կրթության մասին» Հայաստանի Հանրապետության օրենքում փոփոխություններ կատարելու մասին հարցերը:
Ազգային ժողովի «Լուսավոր Հայաստան» խմբակցության պատգամավոր Տարոն Սիմոնյանը առաջարկեց նիստի օրակարգում ներառել նաև ԱԺ ԼՀԿ խմբակցության ներկայացրած օրենսդրական նախաձեռնությունը, որը վերաբերում է հետադարձ ուժով նախնական կալանքի 1 օրը 1.5 օր հաշվարկելուն։
Նշենք, որ Կառավարությունը և ԱԺ Գլխադասային հանձնաժողովը բացասական եզրակացություն են տվել նախագծին։
Նշենք, որ օրինագիծը Ազգային ժողովի օրակարգ մտցնելուն կողմ քվեարկեց 35 պատգամավոր, դեմ՝ 61, ձեռնպահ՝ 4 պատգամավոր։
Նախագիծը ԱԺ լիագումար նիստերի օրակարգ չընդգրկվեց։
Աղավնի Սուքիասյան
