18.05.2026 | 23:01
Մարդը, ով ասում էր՝ մեր երկրում կա 3 մլն վարչապետ, կորցրել է ինքնատիրապետումը. Սամվել Կարապետյանը՝ Փաշինյանի մասին. ՏԵՍԱՆՅՈՒԹ
Փաշինյանի այցից հետո Իրանում 29 ադրբեջանցի է ձերբակալվել
Քաղաքականություն
04.03.2019 | 16:36
Իրանի անվտանգության ուժերը ՀՀ վարչապետ Նիկոլ Փաշինյանի այցից հետո երկրում բնակվող 29 ադրբեջանցի ակտիվիստի են ձերբակալել․ հայտնում է minval.az-ը։
Մարտի 2-ին ակտիվիստները բողոքի ակցիա էին անցկացրել՝ Իրանում Փաշինյանի ջերմ ընդունելությունից ու Թեհրանի «Արարատ» ակումբում հայկական համայնքի հետ հանդիպման ժամանակ արված սելֆիից զայրացած, որի ժամանակ կադրում երևացել է «Արցախը Հայաստանն է, և վե՛րջ» գրությամբ պաստառը։
Իրանի ուժայիններն աշխատավայրում ձերբակալել են ակտիվիստ Յուսիֆ Սալահշուրին: Իսկ մարտի 1-ին՝ ևս 28 ադրբեջանցու, որոնք ֆուտբոլային հանդիպումից հետո մարզադաշտից դուրս գալիս են եղել։
Ավելի վաղ՝ մարտի 1-ին, Թավրիզի մարզադաշտում «Տրակտորսազի» ֆուտբոլային թիմի ադրբեջանցի երկրպագուներն ամբողջ խաղի ընթացքում վանկարկել են «Արցախը մերն է և մերն է լինելու» կարգախոսը և այրել Հայաստանի դրոշը:
Բացի այդ, ադրբեջանցի ակտիվիստները Թեհրանում Հայաստանի դեսպանատան շենքին «Ղարաբաղն Ադրբեջանի անբաժանելի մասն է» գրությամբ պաստառ են փակցրել։
Նելլի Մելքոնյան
