23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Նարեկ Մալյանի ու «Ռեստարտ» նախաձեռնության անդամների միջև տեղի ունեցած միջադեպի առնչությամբ քրգործ է հարուցվել
Հասարակություն
04.03.2019 | 16:05
ՀՀ ոստիկանապետի նախկին խորհրդական Նարեկ Մալյանի հետ կապված միջադեպի կապակցությամբ (ՔՕ 258-րդ հոդվածի 3-րդ մասի 1-ին կետի հատկանիշներով՝ մի խումբ անձանց կողմից խուլիգանություն կատարել) հարուցվել է քրեական գործ։
Այս մասին Factor.am-ին հայտնեցին Ոստիկանության լրատվական ծառայությունից։
Հիշեցնենք, որ երեկ գիշերը Նարեկ Մալյանը ֆեյսբուքի իր էջի ուղիղ եթերում հայտարարել է, թե հարձակման է ենթարկվել «Ռեստարտ» նախաձեռնության անդամների կողմից։ Նա ասել է, որ իրեն են մոտեցել մոտ 10 հոգի, փորձել ճանկռել, ու քաշքշելով մի կողմ տանել՝ անցկացնել Ամիրյան փողոցը։
Մալյանը նաև նշել է, որ դիմադրելով իրեն ճանկռել փորձող ակտիվիստներին, ապտակել է Դավիթ Պետրոսյանին։
Միջադեպին անդրադարձել է նաև «Ռեստարտ» ուսանողական նախաձեռնության անդամ Դավիթ Պետրոսյանը՝ ֆեյսբուքյան ուղիղ եթերում պատմելով, որ տուն մտնելու վայրից Նարեկ Մալյանին վերցրել են ու փորձել են անցկացնել փողոցը՝ տանելով աղբամանի կողմ։ Պետրոսյանը նշել է, որ իրենք Նարեկ Մալյանին մատով չեն կպել, չեն հայհոյել։ Նա նաև հերքել է ապտակելու հետ կապված Մալյանի ասածը։
Աղավնի Սուքիասյան
