03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Ի՞նչ ենք ստանում Ռուսաստանից՝ Սիրիա ուղարկված հումանիտար առաքելության դիմաց․ Հ․ Մարտիրոսյանը՝ ՀՀ-ի վարած արտաքին քաղաքականության մասին․ ՏԵՍԱՆՅՈՒԹ
Քաղաքականություն
04.03.2019 | 15:17
Պաշտպանության նախարարության կողմից Սիրիա է ուղարկվել հումանիտար առաքելություն՝ Ռուսաստանի հետ համագործակցության արդյունքում, ինչը, սակայն, լրջագույն գործոն է՝ քանի որ այդ քայլով մենք Սիրիայում ունենում ենք ռազմական գործոն։
«Սա լրջագույն գործոն է․ այն բարոյական մեծ աջակցություն է Հայաստանի դաշնակից Ռուսաստանին։ Այստեղ, սակայն, հարց է առաջանում՝ ՌԴ-ից ինչ ենք մենք ստանում։ Դաշնակցային պահվածքի դիմաց Երևանը ոչինչ չի ստանում Մոսկվայից և չի կարողանում ստանալ։ Այստեղ պետք չէ մեղադրել Ռուսաստանին, պետք է մեղադրել պաշտոնական Երևանին։ Տեսնում ենք նաև, որ շատ լուրջ քննադատություններ են հնչում Երևանի հասցեին ոչ թե Մոսկվայի կենտրոնական օղակներից, այլ նրանցից, որոնք արտահայտում են այդ կենտրոնական օղակների տրամադրվածությունը։ Սա ցույց է տալիս, որ ճիշտ է այդ հարաբերություններում մեծ լարում չկա, բայց չկա նաև դրական տեղաշարժ հայ-ռուսական հարաբերություններում»,- ասաց Հայկ Մարտիրոսյանը։
Անդրադառնալով Հայաստանի վարած քաղաքականությանն ԱՄՆ-ի և ԵՄ-ի հետ, քաղաքագետը նշեց, որ այստեղ ևս առկա է անհասկանալի իրավիճակ։
Քաղաքագետը նաև հավելեց՝ նոր իշխանությունն արդեն իսկ արտաքին հարաբերություններում թույլ է տվել վրիպումներ և որպես ասվածի օրինակ բերեց մասնավորեցնելով Վենեսուելայում տիրող իրավիճակի վերաբերյալ վարչապետ Փաշինյանի կողմից հնչեցված արտահայտություններից մեկը։
«Վարչապետն ինձ համար չափազանց տարօրինակ բան ասաց․ մոտավորապես ասաց, որ պետք է այնտեղ ամեն ինչ ընթանա Սահմանադրության շրջանակներում, որքանով էլ ինքը հասկանում է՝ իրեն ԱԺ նախագահ հռչակած գործիչը Սահմանադրության շրջանակում չի գործում։ Այս հայտարարությունից բառացի 2-3 օր հետո ԱՄՆ-ը նախագահի մակարդակով ճանաչեց Խուան Գուաիդոյի՝ նախագահի կարգավիճակը, իսկ Ռուսաստանն էլ ճանաչում է գործող նախագահի կարգավիճակը։ Այսինքն՝ Վենեսուելայում կա լուրջ բախում կողմերի միջև, և ՀՀ- վարչապետն անում է շատ նեղ դատողություն՝ ելնելով նրանից, ինչը ինքն արեց ՀՀ-ում։ Հետագայում հարց է առաջանում, թե ինչպիսին են լինելու հայ-վենեսուելական հարաբերությունները կամ մեր հայտարարությունները՝ ԱՄՆ-ի և ՌԴ-ի հետ։ Սա փոքրի հայտարարություն է, որը ցույց է տալիս ՀՀ-ի՝ սայթաքելու կարողությունը»։
Մանրամասները՝ տեսանյութում։
Աղավնի Սուքիասյան
