11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Rolls-Royce-ը դուրս է գալիս թուրք-բրիտանական նախագծից
Տնտեսություն
04.03.2019 | 11:28
Բրիտանական Rolls-Royce ընկերությունն առաջիկայում պատրաստվում է դուրս գալ թուրք-բրիտանական «TF-X» ռազմական ինքնաթիռների ծրագրից. տեղեկացնում է ermenihaber-ը:
Այդ մասնին տեղեկացնում է Financial Times պարբերականը։ Նշյալ ինքնաթիռները նախատեսվում էին շահագործման հանձնվել 2030-ին։ Rolls-Royce-ն այդ ինքնաթիռների համար պետք է արտադրեր շարժիչներ։ Նախնական տվյալների համաձայն՝ բրիտանական ընկերությունը չի ցանկացել թուրքական կողմի հետ կիսվել շարժիչների տեխնոլոգիաներով։
Մեծ Բրիտանիայի և Թուրքիայի կողմից հովանավորվող պայմանագրի շրջանակներում թուրք և բրիտանացի ինժեներներն ինքնաթիռի դիզայնի մշակմանն ու ընդհանուր կատարելագործմանն ուղղված աշխատանքներ պետք է կատարեին, ինչպես նաև միմյանց օգնեին տեխնոլոգիական և տեխնիկական սպասարկման հարցերում:
Հիշեցնենք, որ երկու երկրների միջև ռազմաարդյունաբերական համագործակցություն նախատեսող պայմանագիրը կնքվել էր Մեծ Բրիտանիայի վարչապետ Թերեզա Մեյի՝ 2017-ի հունվարի 28-ին Թուրքիա կատարած այցի ընթացքում:
