10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Արցախի ԱԺ «Ազատ հայրենիք» խմբակցությունը ողջունում է Արարատ Միրզոյանի ելույթը ՌԴ Դաշնային խորհրդում
Քաղաքականություն
02.03.2019 | 12:00
Արցախի «Ազատ հայրենիք» կուսակցության «Հայրենիք» խորհրդարանական խմբակցությունը հայտարարություն է տարածել, որում ողջունել է ՌԴ Դաշնային ժողովի խորհրդի լիագումար նիստում ՀՀԱզգային ժողովի նախագահ Արարատ Միրզոյանի ելույթը
Հայտարարությունը՝ ստորև.
«Ազատ հայրենիք» կուսակցության «Հայրենիք» խորհրդարանական խմբակցությունը ողջունում է ՌԴ Դաշնային ժողովի խորհրդի լիագումար նիստում ՀՀ Ազգային ժողովի նախագահ Արարատ Միրզոյանի ելույթը, դրանում արված շեշտադրումներն ու հավասարակշիռ դիտարկումները։
Խիստ կարևոր ենք համարում ԵԱՀԿ Մինսկի խմբի համանախագահության անդամ և ՀՀ ռազմավարական դաշնակից հանդիսացող երկրի բարձրագույն օրենսդիր մարմնում Լեռնային Ղարաբաղի հակամարտության խաղաղ և հաստատված ձևաչափով կարգավորման վերաբերյալ Հայաստանի հավատարմության վերափաստման հանգամանքը։ Ելույթի առավել սուր՝ ՌԴ որոշ խորհրդանականների՝ ակնհայտորեն հակահայկական միջոցառմանը մասնակցելու քննադատության հատվածը նույնպես դիտարկում ենք որպես ռազմավարական դաշնակցի հետ արժանապատիվ երկխոսության և այդ հարաբերություններում սեփական օրինական հետաքրքրությունների առաջմղման երևույթ։
Մեր համոզմունքն է, որ Լեռնային Ղարաբաղի հակամարտության խաղաղ և վերջնական կարգավորման հարցում խիստ կարևոր է ինչպես առհասարակ հավասարակշռության, այնպես էլ կոնկրետ դիվանագիտական բալանսի պահպանումը։ Դա կարևոր է նաև թշնամու հնարավոր արկածախնդրությունների կանխարգելման առումով։ Այս առնչությամբ ՀՀ օրենսդիր մարմնի ղեկավարի ելույթը տեղին է ու նպատակային»։
