10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
Մենք հետաքրքրված ենք հնդիկ գործարարների ակտիվացմամբ ԵՏՄ-ի շուկաներում. Տիգրան Սարգսյան
Տնտեսություն
01.03.2019 | 22:44
Մարտի 1-ին Եվրասիակայն տնտեսական հանձնաժողովի գրասենյակում կայացել է ԵՏՀ Խորհրդի նախագահ Տիգրան Սարգսյանի հանդիպումը ՌԴ-ում Հնդկաստանի Հանրապետության Արտակարգ եւ Լիազոր դեսպան Վենկատեշ Վարմայի հետ:
Ինչպես տեղեկացնում է ԵՏՀ-ի մամուլի ծառայությունը, իր ելույթում Տիգրան Սարգսյանը նշել է, որ Հնդկաստանի տնտեսական զարգացումն իսկապես տպավորիչ է:
«Մենք գտնում ենք, որ կայուն աճը որակապես կբարելավի երկրի դիրքերը համաշխարհային տնտեսության մեջ: Ընդ որում՝ Հնդկաստանը հսկայական շուկա է. մեր ձեռնարկությունները կցանկանային ավելի մեծ չափով ներկայանալ այնտեղ: Մենք հետաքրքրված ենք հնդիկ գործարարների ակտիվացմամբ ԵՏՄ-ի շուկաներում»,-ասել է Տիգրան Սարգսյանը:
Հանդիպմանը ներկա Հնդկաստանի դեսպան Վենկատեշ Վարման էլ նշել է, որ հնդկական կողմը հետաքրքրված է ԵԱՏՄ-ի հետ համաձայնագիրը շուտափույթ կնքելու մեջ և Հնդկաստանն արդյունավետ համագործակցություն է հաստատել ԵԱՏՄ բոլոր երկրների հետ:
