02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Նախկին իշխանությունն այնքան տղամարդկություն չունի, որ խոստովանի՝ եղել է Սահմանադրության խախտում. Վահագն Խաչատրյան. ՏԵՍԱՆՅՈՒԹ
Քաղաքականություն
01.03.2019 | 20:23
Ինձ համար կարծես 2008 թվականի այս օրերը լինեն, բոլորն էլ ծանոթ դեմքեր են, բոլորս էլ այդ օրը հրապարակում ենք եղել: Factor.am-ի հետ զրույցում ասաց Մարտի 1-ի զոհերի հիշատակի արարողությանը մասնակցող ՀԱԿ վարչության անդամ Վահագն Խաչատրյանը՝ հավելելով, որ հիմա բոլորիս խնդիրը մեկն է, որ ճշմարտությունը վերականգնվի: Վահագն Խաչատրյանի խոսքով՝ եթե ուզում են իրականությունն իմանալ, «բոլորիս պետք է հարցաքննեն». «Ուղղակի ամենացավալին այն է, որ նախկին իշխանություն կոչեցյալն այնքան տղամարդկություն չունի, որ խոստովանի, որ եղել է օրենքի և Սահմանադրության խախտում, և դա պատահական չի եղել»:
Հարցին՝ ինչ է կարծում, արդարությունը վերականգնվո՞ւմ է, Վահագն Խաչատրյանը դրական պատասխանեց:
«Այն, ինչ տեղի է ունենում՝ և՛ դատական գործընթացները, և՛ նախաքննությունը, զգացողություն և համոզվածություն կա, որ ի վերջո ճշմարտությունը հաղթելու է: Մենք դրա համար ենք պայքարում»,- հավելեց նա: Խաչատրյանը կարծում է, որ սա պետք է ահազանգ լինի ցանկացած իշխանության համար. «Սա, գուցե, ցանկացած իշխանության համար կլինի ահազանգ կամ նախադեպ՝ ինչպես ուզում եք ձևակերպեք, որ չի կարելի, որ երկրի ղեկավարը սեփական քաղաքացիների արյունով իշխանություն ստանա կամ իշխանության մնա»:
Մանրամասները՝ տեսանյութում:
Ռոբերտ Անանյան
