02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Քաղաքական խոչընդոտ Մարտի 1-ի բացահայտման ուղղությամբ չկա. Արարատ Միրզոյան. ՏԵՍԱՆՅՈՒԹ
Քաղաքականություն
01.03.2019 | 18:57
Մարտի 1-ի բացահայտման համար քաղաքական խոչընդոտներ այլևս չկան․ հակառակը՝ քաղաքական ամենաբարձր ամբիոններից հնչում է գործը բացահայտելու հասարակական պահանջը։ Այս մասին Մարտի 1-ի 11-րդ տարելիցին նվիրված երթի ընթացքում լրագրողների հետ զրույցում նշեց ԱԺ նախագահ Արարատ Միրզոյանը։
«Պետք է ամեն տարի հիշել Մարտի 1-ը․ այն մարդկանց, որոնք զոհվեցին և այն մարդկանց, որոնք այդ օրը ֆիզիկապես անվնաս, բայց հոգեպես ծանր ապրումներով ու հիասթափված տուն գնացին։ Պետք է ամեն ինչ անենք, որ մեր երկրում բացառենք քաղաքական բռնաճնշումների մեթոդը։ Այլևս երբեք չպետք է այդպիսի բան թույլ տանք»,- ընդգծեց ԱԺ նախագահը։
Թե երբ հնարավոր կլինի Մարտի 1-ի գործն ամբողջությամբ բացահայտված համարել, Արարատ Միրզոյանը դժվարացավ մեկնաբանություն տալ։
«Գործի մանրամասներին չեմ տիրապետում և մեկնաբանություններ անել չեմ կարող ինձ թույլ տալ։ Կարող եմ միայն ասել, որ իրավապահ համակարգի օրինական գործունեության համար քաղաքական ոչ մի խոչընդոտ չկա»,- նշեց ԱԺ նախագահը։
Նելլի Մելքոնյան
