18.01.2026 | 11:31
Վթարային ջրանջատում Վայոց Ձորի մարզում
Մարտի 1-ը շահարկումների առիթ չպետք է դարձնել, օրվան պետք է հարգանքով մոտենանք. Սուրեն Պապիկյանը՝ երթին մարդ բերելու մասին. ՏԵՍԱՆՅՈՒԹ
Քաղաքականություն
01.03.2019 | 15:35
Ազգային ժողովում «Իմ քայլը» խմբակցության հետ հանդիպումից հետո տարածքային կառավարման և զարգացման նախարար Սուրեն Պապիկյանի հետ զրույցում լրագրողներն ասացին, որ Մարտի 1-ի առիթով այսօրվա երթի հետ կապված մարզպետները ջանք չեն խնայում, որ «մարդ հավաքեն», օրինակ՝ Արարատի մարզպետ Գարիկ Սարգսյանի հայտարարությունը, որ ավտոերթով միանան իրենց:
Factor.am-ը հիշեցրեց, որ այդ հայտարարությունը տեղադրվել էր Արարատի մարզպետարանի կայքում, իսկ րոպեներ անց՝ հեռացվել:
«Այդտեղ շփոթմունք է եղել: Իրականում ոչ մի գաղտնիք չկա, բոլորս էլ ցանկություն ունենք մասնակցել այդ երթին, դա հարգանքի տուրքի մատուցում է»,- ասաց նախարարը:
Սուրեն Պապիկյանը նշեց, որ խնդիր չունեն լայն զանգվածների հավաքել ու դրա համար էլ վարչական լծակ օգտագործել, պարզապես դրա կարիքը չկա:
Լրագրողները նշեցին, որ մարդիկ աշխատանքից շուտ են դուրս գալիս, որ գնան երթի, ինչին ի պատասխան՝ Պապիկյանն ասաց. «Նման բան չկա, կարդացեք Արմավիրի մարզպետի հայտարարությունը: Մարդը հրավիրում է 18.30-ին»:
Factor.am-ի լրագրողի դիտարկմանը, թե Լոռու մարզպետի հայտարարության մեջ նշվում է, որ 4.30-ից Վանաձորից շարժվում են, այսինքն՝ 1.5 ժամ շուտ են դուրս եկել աշխատանքից, Պապիկյանը խորհուրդ տվեց այս օրը շահարկումների առիթ չդարձնել. «Այստեղ չի կարող լինել քաղաքական հարց և դրա հիմքում դնել վարչական ռեսուրսի չարաշահում: Չի լինի, որ գիշերը գնանք, ճիշտ հասկացեք, մենք մեր պարտքն ենք տալու»:
Մանրամասները՝ տեսանյութում:
Նարեկ Կիրակոսյան
