11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Մարտի 1-ից հետո չէի պատկերացնում՝ ինչպես եմ ոճրագործների հետ նույն երկնքի տակ ապրելու. Ա. Բաբաջանյան. ՏԵՍԱՆՅՈՒԹ
Քաղաքականություն
01.03.2019 | 12:17
Այն, ինչ տեղի ունեցավ 2008 թ. մարտի 1-ին, նկարագրել և պատկերացնել հնարավոր չէր, նաև այն իմաստով, որ դրանից հետո ուղղակի չէի պատկերացնում՝ ինչպես պետք է այդ զազրելի ոճիրն իրագործողների հետ ապրենք նույն երկրում, նույն երկնքի տակ: Factor.am-ի հետ զրույցում ասաց ԱԺ «Լուսավոր Հայաստան» խմբակցության պատգամավոր Արման Բաբաջանյանը:
«Փառք Աստծո, այսօր ունենք արդեն բոլորովին նոր վիճակ, որտեղ կարող ենք համոզված ասել, որ իսպառ բացառվում է այդպիսի դեպքերի կրկնությունը»,- հավելեց Արման Բաբաջանյանը:
Պատգամավորը հույս հայտնեց, որ Մարտի 1-ի գործով մեկնարկելիք դատական գործընթացը կվերացնի բոլոր կասկածները:
«Հույս ունենք, որ որևէ տարընթերցման, տարընկալման և տարատեսակ մեկնաբանությունների առիթներ այլևս չեն լինի, և մենք պատվով կփակենք Մարտի 1-ի էջն ու ըստ արժանվույն կհիշենք, կոգեկոչենք այդ օրը զոհ գնացած մեր ազատության մարտիկներին»,- ասաց Բաբաջանյանը:
Նշենք, որ ԼՀԿ անդամներն այսօր կուսակցության ղեկավար Էդմոն Մարուքյանի գլխավորությամբ Երևանի Սուրբ Սարգիս եկեղեցում մասնակցեցին Մարտի 1-ի զոհերի հիշատակին հոգեհանգստի արարողությանը, հետո քայլերթով ուղղվեցին Մյասնիկյանի արձանին հարող տարածք՝ հարգանքի տուրք մատուցելու զոհերի հիշատակին:
Մանրամասները՝ տեսանյութում:
Ռոբերտ Անանյան
