28.09.2026 | 12:40
Հարավային Կորեան Կիևից պաշտոնական ներողություն է պահանջում հյուսիսկորեացի գերիների շուրջ սկանդալի պատճառով
Ադրբեջանից արձագանքել են Նիկոլ Փաշինյանի հայտարարությանը
Քաղաքականություն
28.02.2019 | 21:18
Ադրբեջանի նախագահի վարչակազմի արտաքին քաղաքականության հարցերով բաժնի ղեկավար Հիքմեթ Հաջիևն արձագանքել է ՀՀ վարչապետ Նիկոլ Փաշինյանի այն հայտարարությանը, որ կառավարության առաջնային խնդիրներից մեկը բանակցային գործընթացում Ղարաբաղի սուբյեկտության բարձրացումն է և Ալիևի հետո պատրաստվում է ոչ օրակարգային հանդիպում անցկացնել, որի գլխավոր ուղղությունը կլինի բանակցային ձևաչափի քննարկումը:
Ինչպես Հաջիևի խոսքերն է մեջբերում interfax.az-ը, Հայաստանի ղեկավարության հայտարարությունները բանակցությունների ձևաչափի փոփոխության մասին ոչ այլ ինչ են, եթե ոչ բանակցային գործընթացը փակուղի տանելու և խափանելու փորձ, իսկ դրա պատասխանատվությունն ամբողջությամբ ընկնում է հայկական կողմի վրա:
«Ղարաբաղյան հակամարտության կարգավորման հայ-ադրբեջանական բանակցային գործընթացի ձևաչափը հայտնի է, որի փոփոխությունը քննարկման առարկա չէ և չի կարող լինել: Այն տեղի է ունենում ԵԱՀԿ Մինսկի խմբի համանախագահների միջնորդությամբ հակամարտության կողմերի՝ Հայաստանի և Ադրբեջանի միջև», – ասել է Հաջիևը:
