18.01.2026 | 11:31
Վթարային ջրանջատում Վայոց Ձորի մարզում
«Իմ քայլի» պատգամավորը Հայկ Մարությանին ցանկանում է հրավիրել ԱԺ, բայց օրենքը թույլ չի տալիս
Քաղաքականություն
28.02.2019 | 17:31
Ազգային ժողովի «Իմ քայլը» խմբակցության պատգամավոր, գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի փոխնախագահ Հովհաննես Հովհաննիսյանը ցանկություն է հայտնել, որ խմբակցության փակ աշխատանքային նիստերին հրավիրեն նաև Երևանի քաղաքապետ Հայկ Մարությանին: Որոշ պատգամավորներ, սակայն, նրան խորհուրդ են տվել հրաժարվել այդ մտքից, քանի որ տեղական ինքնակառավարման մարմնի ներկայացուցչի վրա խորհրդարանական վերահսկողություն չեն կարող կիրառել:
Այս մասին տեղեկացնում են «Իմ քայլը» խմբակցությանը մոտ կանգնած Factor.am-ի հավաստի աղբյուրները:
Հովհաննիսյանը Factor.am-ի հետ զրույցում չհերքեց տեղեկությունը: Սակայն չմանրամասնեց, թե ինչու է ցանկանում քաղաքապետին հրավիրել խմբակցություն:
Մեր հարցին, թե պատգամավորը Հայկ Մարությանին ուղղված ինչ հարցեր ունի, պատգամավորը հարցով պատասխանեց. «Ձեզ ո՞վ է ասել այդ մասին»:
«Իմ քայլը» խմբակցության մեկ այլ պատգամավոր, իրավաբան Նիկոլայ Բաղդասարյանից Factor.am-ը հետաքրքրվեց՝ արդյոք խորհրդարանական խմբակցությունն իրավունք ունի ՏԻՄ ղեկավարին հրավիրել Ազգային ժողով և հաշվետվություն պահանջել, Բաղդասարյանը բացասական պատասխան տվեց:
Նարեկ Կիրակոսյան
