11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Լևոն Արոնյանը կպայքարի աշխարհի չեմպիոնի կոչման համար
28.02.2019 | 17:57
ՖԻԴԵ-ն հրապարակել է այն շախմատիստների անունները, որոնք մասնակցելու են 2019 թվականի Գրան Պրի շարքի մրցումներին:
Նրանց թվում է նաև մեր շախմատի առաջատար Լևոն Արոնյանը: Նրա մրցակիցները կլինեն ռուսաստանցիներ Ալեքսանդր Գրիշչուկը, Սերգեյ Կարյակինը, Յան Նեպոմնյաշչին, Պյոտր Սվիդլերը, Դմիտրի Յակովենկոն, Նիկիտա Վիտյուգովը, Դուբովը, ադրբեջանցիներ Շախրիյար Մամեդյարովն ու Թեյմուր Ռաջաբովը, չինացիներ Յույ Յանյին և Վեյ Ինը, ամերիկացիներ Վեսլի Սոն ու Հիկարու Նակամուրան, լեհեր Ռադոսլավ Վոյտաշեկն ու Յան-Քրիշտոգ Դուդան, ֆրանսիացի Մաքսիմ Վաշյե-Լագրավը, հոլանդացի Անիշ Գիրին, բուլղարացի Վեսելին Տոպալովը, չեխ Դավիդ Նավարան, հնդիկ Օենտալա Հարիկրիշնան:
Այս տարի Գրան Պրիի մրցաշարերը կանցկացվեն չորս քաղաքներում՝ Մոսկվայում (մայիսի 16-30), Ռիգայում (հուլիսի 11-25), Համբուրգում (նոյեմբերի 4-18) և Թել Ավիվում (դեկտեմբերի 10-24): Յուրաքանչյուր շախմատիստ իրավունք ունի մասնակցելու երեք մրցաշարի: Լևոն Արոնյանը հանդես կգա Ռուսաստանի, Լիտվայի և Իսրայելի մայրաքաղաքներում:
Ընդհանուր հաշվարկով առաջին երկու տեղերը գրաված շախմատիստները կնվաճեն աշխարհի չեմպիոնի հավակնորդների մրցաշարի ուղեգիր և կաշունակեն շախմատի թագի համար պայքարը:
