21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Փարաքար գյուղում մի երիտասարդ նորածնի համար ծածկոց էր գողացել, խափանման միջոց ընտրեցին կալանավորումը. Նաիրա Զոհրաբյան. ՏԵՍԱՆՅՈՒԹ
Հասարակություն
28.02.2019 | 12:06
ԱԺ պետական-իրավական հարցերի մշտական հանձնաժողովում «Լուսավոր Հայաստան» խմբակցության նախաձեռնությամբ քննարկվում է Քրեական օրենսգրքում փոփոխությունների մասին օրինագիծը, որով առաջարկվում է 2004 թվականի հունիսի 9-ից մինչև 2018 թվականի նոյեմբերի 1-ը կալանավորների՝ մինչև դատավճռի օրինական ուժի մեջ մտնելը կալանքի տակ պահելու ժամկետը մեկ օրվա փոխարեն հաշվարկել մեկուկես օրվա առաջարկը:
ԲՀԿ-ական Նաիրա Զոհրաբյանը նույնպես համանման նախագիծ է ներկայացրել քննարկման՝ առաջարկելով, որ ընդունվելուց հետո օրենքը տարածվի ոչ միայն անցյալում կատարածի համար կալանավորվածների վրա, այլև ապագայում: Որպես հիմնավորում՝ Նաիրա Զոհրաբյանը նշեց, որ նախնական կալանքի տակ պահվող երիտասարդները նվաստացումների են ենթարկվում:
«Փարաքար գյուղում մի երիտասարդ նորածնի համար ծածկոց էր գողացել, խափանման միջոց ընտրեցին կալանավորումը: Խափանման միջոցները պետք է վերանայվեն, որ ծանր հանցագործի ու իմ նշած երիտասարդի համար չընտրվի նույն խափանման միջոցը»,- հավելեց ԲՀԿ-ական պատգամավորը:
Նաիրա Զոհրաբյանը, միաժամանակ, նշեց, որ իրենք քիչ անց Մարդու իրավունքերի պաշտպանության և հանրային հարցերի մշտական հանձնաժողովի անդամներով այցելելու են ՔԿՀ-ներ, քանի որ կալանավորները հայտարարել են համատարած հացադուլ սկսելու մասին:
Մանրամասները՝ տեսանյութում:
Նարեկ Կիրակոսյան
