10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
ԱԺ փոխնախագահ Ալեն Սիմոնյանի ներկայացրած օրենսդրական նախաձեռնությունը Կառավարությունն ընդունեց․ ՏԵՍԱՆՅՈՒԹ
Քաղաքականություն
28.02.2019 | 12:00
Կառավարությունը փետրվարի 28-ի նիստում ընդունեց «Վիճակախաղերի մասին» և «Շահումով խաղերի, ինտերնետ շահումով խաղերի և խաղատների մասին» ՀՀ օրենքներում լրացումներ կատարելու վերաբերյալ ԱԺ փոխնախագահ Ալեն Սիմոնյանի ներկայացրած օրենսդրական նախաձեռնությունը։
Նշենք, որ Ալեն Սիմոնյանի ներկայացրած օրենսդրական նախաձեռնությունը, նախնական տարբերակի հետ համեմատած, ենթարկվել է որոշակի փոփոխությունների։
Նախագծի նախնական տարբերակում կատարվել են որոշակի խմբագրական աշխատանքներ, որոնցով առաջարկվում է․
- մոլախաղերով հրապուրվելու հետևանքով իր ընտանիքը նյութական ծանր դրության մեջ դնելու հիմքով սահմանափակ գործունակ ճանաչված քաղաքացու մասնակցությունը վիճակախաղերին (այդ թվում՝ ինտերնետ տոտալիզատորին) սահմանափակելու կարգը խախտելու համար կազմակերպիչների նկատամամբ կիրառվում է տուգանք հինգ հարյուր հազար դրամի չափով,
- հանրային նշանակության օբյեկտներ (սրճարան, բար, ռեստորան, հյուրանոց, ինտերնետ ակումբ (սրահ), գազալցակայան, առևտրի սրահ, զվարճանքի և հանրային սպասարկման այլ վայրեր) շահագործող անձինք պարտավոր են արգելափակել ՀՀ տարածքում ինտերնետ շահումով խաղերի կազմակերպման լիցենզիա ստացած անձանց պաշտոնական կայքերի հասանելիությունը։ Նշյալ պահանջը չկատարելու դեպքում կազմակերպչի նկատմամբ կիրառվում է տուգանք արգելափակման ենթակա կայքերի հասանելիություն ունեցող յուրաքանչյուր սարքավորման համար մեկ միլիոն դրամի չափով,
- արգելվում է Հայաստանի Հանրապետության տարածքում ավտոմատացված սարքավորումների միջոցով վիճակախաղի՝ ոչ խաղարկությունով, համակցված, տոտալիզատորի (այդ թվում՝ ինտերնետ տոտալիզատորի) կազմակերպումը։
Մանրամասները՝ տեսանյութում։
Աղավնի Սուքիասյան
