03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Կառավարությունը մերժեց ԲՀԿ-ական պատգամավորների օրենսդրական նախաձեռնությունը․ ՏԵՍԱՆՅՈՒԹ
Քաղաքականություն
28.02.2019 | 11:21
Կառավարության փետրվարի 28-ի նիստում գործադիրը մերժեց Ազգային ժողովի ԲՀԿ խմբակցության պատգամավորներ Գևորգ Պետրոսյանի, Դավիթ Մանուկյանի, Շաքե Իսայանի և Իվետա Տոնոյանի կողմից օրենսդրական նախաձեռնությունը՝ «Հայաստանի Հանրապետության աշխատանքային օրենսգրքում փոփոխություն կատարելու մասին»։
Նախագծով առաջարկվում է Հայաստանի Հանրապետության աշխատանքային օրենսգրքի 95-րդ հոդվածի 3-րդ մասի 2-րդ կետը շարադրել նոր խմբագրությամբ, որը հնարավորություն կտա ընտրովի քաղաքական պաշտոն զբաղեցնողների հետ համատեղությամբ աշխատանքային պայմանագրերը կնքել որոշակի ժամկետով կամ որոշակի ժամկետով աշխատանքային պայմանագրերի ժամկետը կրճատել, եթե այդ մասին աշխատողը գրավոր միջնորդել է կամ գրավոր ձևով արտահայտված համաձայնություն է տվել:
Հարկ է նշել, որ օրենսգրքի գործող դրույթի համաձայն՝ բոլոր դեպքերում համատեղությամբ աշխատանք կատարողների հետ կնքվում են որոշակի ժամկետով աշխատանքային պայմանագրեր:
Նկատի ունենալով, որ Աշխատանքային օրենսգրքի հիմնական սկզբունքներով է հարցը կարգավորված, Կառավարությունն ընդունելի չհամարեց միայն ընտրովի քաղաքական պաշտոն զբաղեցնողներին հնարավորություն տալ որոշելու իրենց հետ կնքվող համատեղությամբ աշխատանքային պայմանագրերի որոշակի ժամկետով լինելը կամ այդ ժամկետի կրճատելը:
Մանրամասները՝ տեսանյութում։
Աղավնի Սուքիասյան
