15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
ԱԱԾ-ն ՊՎԾ աշխատակից Սամվել Ադյանին կալանավորելու միջնորդությունն այսօր կներկայացնի դատարան․ պաշտպան
Հասարակություն
28.02.2019 | 11:07
Ազգային անվտանգության ծառայությունն այսօր Պետական վերահսկողական ծառայության գնումների վերահսկողության վարչության պետ Սամվել Ադյանին կալանավորելու միջնորդություն կներկայացնի դատարան: Այս մասին Factor.am-ի հետ զրույցում ասաց Սամվել Ադյանի փաստաբան Դավիթ Մնացականյանը:
«Իմ պաշտպանյալին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով նախատեսված արարքի համար՝ պաշտոնեական լիազորությունները չարաշահելը, որն առաջացրել է ծանր հետևանքներ: Սամվել Ադյանը չի ընդունում իրեն առաջադրված մեղադրանքը, իսկ նրան կալանավորելու միջնորդությունը դատարան ԱԱԾ-ն կներկայացնի այսօր»,- ասաց պաշտպանը։
Ավելի վաղ տեղեկացրել էինք, որ ՀՀ պետական վերահսկողական ծառայության սոցիալական ոլորտի վերահսկողության վարչության պետի պաշտոնակատար Դավիթ Ադյանն իր ղեկավարած ստորաբաժանման հետ ուսումնասիրություն է իրականացրել «Երևանի Մ․ Հերացու անվան բժշկական համալսարան» հիմնադրամում, որից հետո հայտնի դարձավ, որ մեղադրանք է առաջադրվել ՊՎԾ երկու աշխատակցի։
Աղավնի Սուքիասյան
