02.04.2026 | 22:24
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Եթե զինծառայողն ինքնասպան է լինում, ուրեմն զորամասը պետք է լուծարել․ Անդրանիկ Քոչարյան. ՏԵՍԱՆՅՈՒԹ
Հասարակություն
27.02.2019 | 16:36
2018 թվականին Հայաստանի և Արցախի Զինված ուժերում մահացել է 63 զինծառայող, որոնցից 11-ի մահը որակվել է որպես ինքնասպանություն։ Ազգային ժողովի Պաշտպանության և անվտանգության հանձնաժողովի նախագահ Անդրանիկ Քոչարյանի խոսքով՝ իրավիճակը շտկելու լուրջ կարիք ունի․ «Դուք հասկանո՞ւմ եք ինքնասպանությունն ինչ ա։ Դա նշանակում է, որ էդ զորամասը լուծարման ենթակա է, ու նորից պետք է հավաքվի։ Անտարբերության մթնոլորտը բանակի ներսում պետք է չլինի՝ սկսած նախարարից մինչև դասակի հրամանատարը»։
13 զինծառայող էլ մահացել է՝ պայմանավորված առողջական խնդիրներով։ «Մարդու իրավունքների խախտումները բանակում և դրանց կանխարգելման մեխանիզմները» թեմայով քննարկմանը մասնակցող Անդրանիկ Քոչարյանը խիստ է մոտենում այս հարցին՝ բանակում հիվանդներ պիտի չլինեն․ «Բանակում պետք է ծառայեն միայն առողջ զինծառայողներ, հիվանդը եթե գնաց բանակ, նա կհիվանդացնի մնացածին, կամ այդ հիվանդ երեխան շատ քիչ շանս ունի վերջում ոչ հոգեկան զեղումներով տուն գնալու»։
Անդրանիկ Քոչարյանի կարծիքով՝ պետք է մասնագիտորեն վերանայել այն հիվանդությունների ցանկը, որոնց դեպքում թույլատրվում է զորակոչիկին տանել բանակ․ «Սարսափելի բան ա, որ գիշերամիզությունը մտցված ա բանակում ծառայելու հիվանդությունների ցանկի մեջ։ Դուք պատկերցանո՞ւմ եք այդ երեխայի ճակատագիրը 2 տարվա ընթացքում, ո՞վ է այս ցանկը կազմել։ Ասում են, որ դա սիմուլյացիայի աղբյուր ա, բայց չէ՞ որ կարող ա 1 դեպք լինի, որ սիմուլյացիա չի, էդ երեխան արդեն դիակ ա»։
Մանրամասները՝ տեսանյութում:
Ռոբերտ Անանյան
