02.11.2024 | 10:07
ՀՀ տարածքում ավտոճանապարհներն անցանելի են
Անպայման կգնամ, կմասնակցեմ դատական նիստին ու ցուցմունք կտամ Արամ Հարությունյանի դեմ․ Սիլվա Համբարձումյան
Հասարակություն
27.02.2019 | 15:31
Երևան քաղաքի ընդհանուր իրավասության դատարանում այսօր քննվում էր բնապահպանության նախկին նախարար Արամ Հարությունյանի և գործով անցնող մյուս անձանց քրեական գործը վերաբացելու վերաբերյալ բողոքի քննությունը, որին մասնակցելու համար ծանուցագիր է ուղարկվել գործարար Սիլվա Համբարձումյանին:
Factor.am-ի հետ զրույցում Համբարձումյանն ասաց, որ քանի որ այսօրվա դատական նիստի վերաբերյալ ծանուցագիրն ստացել է իր օգնականը, ինքը տեղյակ չի եղել, այդ պատճառով էլ չի կարողացել մասնակցել այսօրվա դատական նիստին։
«Օգնականս է վերցրել․ ես տեղյակ չեմ եղել։ Երբ կրկին հրավիրեն, ուղարկեն նոր ծանուցագիր, անպայման կգնամ և կմասնակցեմ դատական նիստին ու ցուցմունք կտամ Արամ Հարությունյանի դեմ»,-ասաց Համբարձումյանը։
Հիշեցնենք, որ հունվարի 18-ին Երևանի ընդհանուր իրավասության դատարանը բավարարել էր ՀՔԾ-ի միջնորդությունը և կալանավորման որոշում կայացրել Արամ Հարությունյանի նկատմամբ, իսկ Սիլվա Համբարձումյանն անցնում է այս գործով։
Աղավնի Սուքիասյան
