16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Բանակում հանցագործություններն անտեսողները մեր բանակի թշնամիներն են․ Անդրանիկ Քոչարյան. ՏԵՍԱՆՅՈՒԹ
Հասարակություն
27.02.2019 | 14:53
ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի խոսքով՝ մեկ զինվորի մահն անգամ դառնալու է պետության համար խնդիր։
«Չի լինելու այնպես, որ կոծկեն, երբ մեկը մահանա։ Կոծկելը տեսանք․ Մարտի 1-ին արեցին, կոծկեցին՝ փչացնելով ամբողջ պետական ուժային համակարգը։ Կոծկումն ավելի հրեշավոր հանցագործություն է, քան իրական պատկերի վերլուծությունն ու իրական մեղավորներին պատժելը»,-այսօր կազմակերպված քննարկման ժամանակ ասաց Անդրանիկ Քոչարյանը՝ նշելով, որ բանակում տեղի ունեցող բացասական դեպքերի հետ կապված պատրաստ է քննարկումներ սկսկել նաև Պաշտպանության նախարարության հետ։
«Եթե պետք է օրենքների մեջ փոփոխություն, կարող ենք գնալ դրան, խորհրդարանական բոլոր հնարավորությունները պետք է ծառայեն մեր զինվորական ուժի բարոյական նկարագրի ուժեղացմանն ու զինվորական ուժի ավելացմանը, և սրանք չպետք է լինեն պարզապես օդում հնչեցված խոսքեր»,- ասաց Անդրանիկ Քոչարյանը։
Նա նաև կարևորեց բանակում ծառայություն իրականացնողների ինտելեկտուալ զարգացվածության մակարդակը։ «Թարմ ինտելեկտի կարիք ունենք»,- ասաց Քոչարյանը։
Խոսելով բանակում կատարվող հանցագործությունները չանտեսելու խնդրի մասին՝ ՀՀ ԱԺ պաշտպանության և անվտանգության հարցերի մշտական հանձնաժողովի նախագահը նշեց․ «Բանակում հանցագործությունները անտեսողները մեր բանակի թշնամիներն են»։
Մանրամասները՝ տեսանյութում։
Աղավնի Սուքիասյան
