13.08.2026 | 16:35
Վեճից հետո ԱԺ նիստը շարունակվում է. ՈՒՂԻՂ
Հոգևորականի գործունեությունը զորամասում պատի պես բան է դառնում սպայի ու զինվորի միջև․ Հովսեփ Խուրշուդյան. ՏԵՍԱՆՅՈՒԹ
Հասարակություն
27.02.2019 | 14:41
«Բանակում մարդու իրավունքների խախտումների և դրանց կանխարգելման մեխանիզմների» թեմայով քննարկման ժամանակ «Ազատ քաղաքացի» ՀԿ ներկայացուցիչ Հովսեփ Խուրշուդյանն ասաց՝ կարևոր է, որ ուսումնասիրություն անցկացվի և պարզվի՝ զորամասում հոգևորականության գործունեությունը դրակա՞ն է, թե՞ բացասական․ «Իմ կարծիքով՝ բացի նրանից, որ դա սահմանադրական խախտում է, բայց նաև կարծում եմ, երբ հոգևորականն իր վրա է վերցնում բանակի ներսում զինվորների հետ անհատական աշխատանքը, դա ո՛չ միայն հանում է պատասխանատվությունը սպաների վրայից, այլ նաև խոչընդոտ է հանդիսանում սպաների համար այդ աշխատանքը տանելով՝ զինվորների խնդիրներն ավելի լավ իմանալուց։ Մի տեսակ ինքը պատի պես բան է դառնում զինվորի և սպայի արանքում»։
Հովսեփ Խուրշուդյանն իր օրինակով խոսեց․ «Երբ ես զորամասում որպես սպա էի ծառայում, մենք հասել էինք նրան, որ որևէ մեկ զոհ չէին տալիս, և դա արվել էր բարձր կրթական ցենզ ունեցող սպաների շնորհիվ, նաև՝ զինվորների հետ եղբայրական մթնոլորտ էր։ Այսինքն՝ եթե սպայի հետ ճիշտ աշխատանք տարվի, եթե սպան պատրաստված լինի զինվորի հետ աշխատելու, էդ դեպքում հոգևորականի կարիքը չի լինի, և մենք ստիպված չենք լինի Սահմանադրություն խախտել»։
Մանրամասները՝ տեսանյութում:
Ռոբերտ Անանյան
