18.01.2026 | 11:31
Վթարային ջրանջատում Վայոց Ձորի մարզում
Ինչպե՞ս սպայի կողմից սեռական բռնության ենթարկված զինծառայողը դարձավ մեղադրյալ․ Հայարփի Սարգսյան. ՏԵՍԱՆՅՈՒԹ
Հասարակություն
27.02.2019 | 13:49
Փաստաբան Հայարփի Սարգսյանը հայտարարում է, որ Զինվորական դատախազության նկատմամբ վստահություն չունի, քանի որ մինչ օրս այս կամ այն զինգործով Գլխավոր դատախազին նյութեր է ուղարկել, իսկ դրանք Դատախազությունն ուղարկել է այն նախաքննական մարմնին, որի դեմ ուղղված է եղել իր բողոքը, ուստի մինչ օրս որևէ զինվորի քրեական գործով որոշում չի ստացել։ Այս մասին այսօր «Բանակում մարդու իրավունքների խախտումների և դրանց կանխարգելման մեխանիզմները» թեմայով քննարկման ժամանակ ասաց Հայարփի Սարգսյանը՝ շեշտելով, որ Զինվորական դատախազության նման անգործության պարագայում ինքը խնդրում է ԱԱԾ-ին իր բարձրացրած հարցերն ու խնդիրները չուղարկել Զինվորական դատախազություն։
Այնուհետև Սարգսյանն անդրադարձավ բանակում մի շարք խնդիրների՝ մասնավորապես զինվորների բարոյա-հոգեբանական պատրաստվածությանը՝ կարևորելով զինվորների հատուկ հոգեբանական վերապատրաստում անցնելու անհրաժեշտությունը։
«Պետք է ստուգվեն նրանք արդյոք սեռական այլ կողմնորոշում ունե՞ն, թե՝ ոչ, դրանով պայմանավորված էլ նրանց բարոյա-հոգեբանական վիճակը շատ կարևոր է։ Օրինակ՝ տղան սպայի կողմից ենթարկվել էր սեռական բնույթի գործողությունների և ծեծի։ Այդ սպան այժմ կա, այդ գործով իմ վստահորդը հանցագործության մասին հաղորդում է ներկայացրել իր մոր միջոցով, որից հետո նա պահվել է Ռազմական ոստիկանությունում, ենթարկվել է ճնշումների, խախտումներ են թույլ տրվել։ ՌՈ-ում պահվելու ժամանակ իմ վստահորդը իր ցուցմունքը փոխել է, 8 ամիս որպես տուժող գտնվել է Ռազմական ոստիկանության ընդունիչ-բաշխիչում, որից հետո ստացել է մեղադրյալի կարգավիճակ»,- ասաց Սարգսյանը՝ նշելով, որ ՌՈ ընդունիչ-բաշխիչ ասվածը ծառայում է որպես վկաներին-տուժողներին պահելու վայր, որտեղ ցուցմունքներ են փոխվում, իսկ մարդիկ ենթարկվում են բռնությունների։
Մանրամասները՝ տեսանյութում։
Աղավնի Սուքիասյան
