23.04.2026 | 14:36
Տուապսեի նավթային տերմինալի հրդեհը երրորդ օրն է՝ շարունակվում է. այն սպառնում է վերածվել բնապահպանական աղետի
Դանակի սպառնալիքի տակ փորձել է թալանել ոսկյա ու արծաթյա զարդերի խանութը
Հասարակություն
27.02.2019 | 13:25
Այսօր՝ փետրվարի 27-ին, զինված ավազակային հարձակում է տեղի ունեցել Շիրակի մարզում: Ժամը 09:25-ի սահմաններում ոստիկանության Արթիկի բաժնի ՊՊԾ դասակի 3-րդ ջոկի ոստիկանները քրեական հետախուզության և համայնքային ոստիկանության բաժանմունքների ծառայողների հետ Արթիկ քաղաքում վնասազերծել են ավազակային հարձակում կատարող զինված կասկածյալին, ով բժշկական դիմակ է կրել:
Նախնական տեղեկությունների համաձայն, վերջինս մտել է Վարդան Հարությունյանին պատկանող ոսկյա ու արծաթյա թանկարժեք զարդերի խանութ ու դանակի սպառնալիքի տակ փորձել է այն թալանել: Խանութի տիրոջ և Արթիկի ոստիկանների ջանքերով դիմակավորված անձը վնասազերծվել է և տեղափոխվել ոստիկանության Արթիկի բաժին:
Փաստի առթիվ Հայաստանի քննչական կոմիտեի Շիրակի մարզային քննչական վարչությունում հարուցվել է քրեական գործ ՀՀ քր. օր-ի 175 հոդվածի 1-ին մասի հատկանիշներով: Կասկածյալը ձերբակալվել է: Նախնական տեղեկությունների համաձայն, վերջինս Շիրակի մարզի Սարապատ գյուղի բնակիչ է:
