08.08.2026 | 11:04
Բացահայտվել է Արտաշատ համայնքի նախկին ղեկավար, ԱԺ նախկին պատգամավորի կողմից պատվիրված սպանության դեպքը
Ադրբեջանի ԱԳՆ-ն արձագանքել է Դավիթ Տոնոյանի հայտարարությանը
Քաղաքականություն
27.02.2019 | 11:52
Ադրբեջանի ԱԳՆ-ն մեկնաբանել է ՀՀ պաշտպանության նախարար Դավիթ Տոնոյանի հայտարարությունն այն մասին, որ Հայոց բանակի փիլիսոփայությունը փոխվել է՝ պաշտպանականից դառնալով հարձակողական:
Ըստ Sputnik.az-ի՝ Ադրբեջանի ԱԳՆ-ի տարածած հաղորդագրության մեջ նշվում է, որ այլևս 1990-ական թվականները չեն, և «Ադրբեջանի ուժեղ տնտեսությունը, ներքին ու արտաքին հաջողված քաղաքականությունը երկիրը տարածաշրջանի առաջատարն են դարձրել»:
«Անհնար է Ադրբեջանին վախեցնել Հայաստանի պաշտոնատար անձանց՝ քարոզչական բնույթի էժանագին հայտարարություններով: Այսօր Ադրբեջանը բավական ուժեղ, օկուպացված տարածքներն ազատագրելու վճռականությամբ լի Զինված ուժեր ունի»,- ասված է Ադրբեջանի ԱԳՆ-ի հաղորդագրությունում:
Դրանում նշվում է նաև, որ Հայաստանի պաշտպանության նախարարի հայտարարությունը միջազգային հանրությանը ցույց է տալիս, թե իրականում «ով է ձգտում խաղաղության, և ով է ագրեսիվ քաղաքականություն վարում՝ հարձակողական սպառազինություն ձեռք բերելով»:
Հիշեցնենք, որ պաշտպանության նախարար Դավիթ Տոնոյանն «Առաջին ալիք»-ին տված հարցազրույցում նշել էր, որ բանակում հոգեբանությունը փոխվում է. «Փոխվում է հոգեբանությունը, մոտեցումը, քանի որ պաշտպանության մեջ գտնվող բանակները միշտ պարտություն են կրել։ Մենք չենք պատրաստվում մնալ պաշտպանական դիրքերում»:
