14.12.2025 | 15:17
Ուկրաինան հարվածել է Ուրյուպինսկի նավթաբազայի և Յարոսլավլի նավթավերամշակման գործարանին
Կոտայքի մարզի անչափահաս երկու բնակչի մեղադրանք է առաջադրվել՝ գողության համար
Հասարակություն
26.02.2019 | 22:48
ՀՀ քննչական կոմիտեից տեղեկացնում են, որ Կոտայքի մարզային քննչական վարչության Նաիրիի քննչական բաժնում ձեռնարկված անհրաժեշտ միջոցառումների արդյունքում բացահայտվել է Կոտայքի մարզում կատարված գողության դեպքը: Ձեռք բերված ապացույցների հիման վրա՝ մեղադրանք է առաջադրվել նույն մարզի երկու անչափահաս բնակչի:
Քննությամբ ձեռք բերված տվյալների համաձայն՝ Կոտայքի մարզի գյուղերից մեկի բնակիչը՝ ծնված 2003թ, գաղտնի հափշտակություն կատարելու դիտավորությամբ, նախնական համաձայնության գալով ընկերոջ՝ նույն գյուղի՝ 2001թ. ծնված բնակչի հետ, 2019թ. հունվարի 8-ին՝ ժամը 22:30-ի սահմաններում, դպրոցի դուռը կոտրելու միջոցով մուտք է գործել ներս և տնօրենի աշխատասենյակից հափշտակել տարբեր իրեր՝ պատճառելով զգալի չափերի գույքային վնաս: Այնուհետև 15 և 17-ամյա տղաները դուռը կոտրելու միջոցով մուտք են գործել նաև հարևանությամբ գտնվող բուժամանկաբարձական կետ, որտեղից ևս կատարել են զգալի չափերի հափշտակություն:
Ձեռք բերված ապացույցների համակցությամբ՝ Կոտայքի մարզի անչափահաս բնակիչներին մեղադրանք է առաջադրվել՝ ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով (2 դրվագ): Նրանց նկատմամբ որպես խափանման միջոց է կիրառվել հսկողության հանձնելը:
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
