11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Օդամղիչ հրացաններ՝ պետական մարմինների աշխատակիցներին
26.02.2019 | 19:45
ՀՀ սպորտի եւ երիտասարդության հարցերի նախարարությունում այսօր տեղի ունեցավ նախարարության կողմից անցկացվող պետական մարմինների աշխատակիցների միջեւ հրաձգության հանրապետական մրցույթի հաղթողների եւ մրցանակակիրների պարգեւատրման արարողությունը:
Ինչպես հայտնում է նախարարության պաշտոնական կայքը, 3-րդ տարին անընդմեջ թիմային հաշվարկով 1-ին տեղը գրավեցին ՀՀ կրթության եւ գիտության նախարարության տղամարդկանց եւ կանանց թիմերը:
Կանանց անհատական պայքարում 1-ին տեղը գրավել է ՀՀ արդարադատության նախարարության ներկայացուցիչ Սուսաննա Դավթյանը, իսկ տղամարդկանց պայքարում՝ ՀՀ կրթության եւ գիտության նախարարության ներկայացուցիչ Ռուբեն Ասատրյանը, որոնք պարգեւատրվեցին նախարարության կողմից:
Անհատական հաշվարկով 1-ին, 2-րդ եւ 3-րդ տեղերը գրաված մասնակիցներին հանձնվել են ՀՀ սպորտի եւ երիտասարդության հարցերի նախարարի հավաստագրեր, մեդալներ, գավաթներ, հուշանվերներ եւ մարզահագուստ, իսկ 1-ին տեղերը գրաված մասնակիցներին՝ նաեւ օդամղիչ հրացաններ: Գավաթներ եւ հավաստագրեր են ստացել նաև 1-ին, 2-րդ և 3-րդ տեղերը գրաված թիմերը:
Մրցումներին մասնակցել են ՀՀ Նախագահի, ՀՀ կառավարության եւ ՀՀ Ազգային ժողովի աշխատակազմերի, ՀՀ նախարարությունների, ՀՀ կառավարությանը ենթակա մարմինների եւ ՀՀ մարզպետարանների 32 թիմերի 217 աշխատակիցներ:
