18.01.2026 | 11:31
Վթարային ջրանջատում Վայոց Ձորի մարզում
Քննարկվել են գյուղատնտեսության բնագավառում հայ-հնդկական համագործակցության հեռանկարները
Տնտեսություն
26.02.2019 | 17:52
ՀՀ գյուղատնտեսության նախարարությունից տեղեկացնում են, որ նախարարի առաջին տեղակալ Գեղամ Գևորգյանն այսօր ընդունել է ՀՀ-ում Հնդկաստանի արտակարգ և լիազոր դեսպան Յոգեշվար Սանգվանին:
Հանդիպման ընթացքում կողմերը քննարկել են գյուղատնտեսության բնագավառում հայ-հնդկական համագործակցության հեռանկարները: Առանձին անդրադարձ է կատարվել հունիս ամսին Հռոմում կայանալիք ՄԱԿ-ի պարենի և գյուղատնտեսության կազմակերպության (ՊԳԿ) գլխավոր տնօրենի ընտրություններին, որոնցում առաջադրված թեկնածուների թվում է նաև Հնդկաստանի ներկայացուցիչը:
Գոհունակություն հայտնելով 2016 թվականին Երևանում կայացած գյուղատնտեսության բնագավառում համագործակցության հայ-հնդկական աշխատանքային խմբի հանդիպման վերաբերյալ` դեսպան Յոգեշվար Սանգվանն առաջարկել է աշխատանքային խմբի հերթական հանդիպումն անց կացնել Հնդկաստանում:
